សាលា​រាជធានី​ភ្នំពេញ​កំពុង​តម្លើង​បង្គោល​ភ្លើង​បំភ្លឺ​ផ្លូវ​និងកែលំអរសួនច្បារដើម្បីជួយសំរួលការធ្វើដំណើរនិងលើក​សម្រស់​ទីក្រុង

​នៅ​ថ្ងៃ​ទី​០១​ខែ​មិនា​ឆ្នាំ​២០១៦ ការដ្ឋាន​ស្ថាបនា​ពង្រីក​ផ្លូវ​ណា​ណូយ បាន​និង​កំពុង​តម្លើង​បង្គោល​ភ្លើង​បំភ្លឺ​ផ្លូវ​ព្រែក គឺ​ប្រភេទ LED គម្លាត​ពី​បង្គោល​១​ទៅ​បង្គោល​១​ចម្ងាយ ៣០​ម ចាប់​ពី​ផ្លូវ​លេខ​១៩៨៦​ដល់​ផ្លូវ​កប់​ស្រូវ​។​នេះ​បើ​យោង​តាម​គេហទំព័រ​ហ្វេ​ស ប៊ុក របស់លោក ប៉ា សុជាតិ​វង្ស អភិបាល​នៃ​គណៈ​អភិបាល​រាជធានី​ភ្នំពេញ​។​ដោយឡែក នៅ​ការដ្ឋាន​កែលំអ​សួនច្បារ​មុខ​សណ្ឋាគារ​សាន់វេ ក៏​បាន​និង​កំពុង​តម្លើង​បង្គោល​ភ្លើង​បំភ្លឺ​សួនច្បារ​ជា​២​ជួរ សរុប​ចំនួន ៣២​បង្គោល​ផងដែរ​។​

​សូម​បញ្ជាក់​ផង​ដែរ​ថា ការ​ដាក់​បង្គោល​ភ្លើង​បំភ្លឺ​គឺ​ដើម្បី​ជួយ​សំរួល​ដល់​ការធ្វើដំណើរ​របស់​ប្រជាពលរដ្ឋ​នៅ​ពេលយប់​និង​ដើម្បី​លើក​សម្រស់​រាជធានី​ភ្នំពេញ​ឲ្យ​កាន់តែ​មាន​ភាព​ទាក់ទាញ​ថែមទៀត​៕

(​ដោយ​៖​ថា ចាន់​ធី​)
​