ក្រសួងធនធានទឹកជូនដំណឹងពីស្ថានភាពអាកាសធាតុនៅរដូវប្រាំងនិងដើមរដូវវស្សាក្នុងឆ្នាំ២០១៦
ដោយ៖ Vayofm Teams
17-02-2016 7:09 pm 5624
ក្រសួងធនធានទឹក និងឧតុនិយម នៅថ្ងៃទី១៧ ខែកុម្ភៈ បានចេញសេចក្តីជូនដំណឹងពីស្ថានភាពអាកាសធាតុក្នុងប្រទេសកម្ពុជា នៅរដូវប្រាំងនិងដើមរដូវវស្សាក្នុងឆ្នាំ២០១៦នេះ។
សេចក្តីជូនដំណឹងបញ្ជាក់ថា បាតុភូតធម្មជាតិនឹងធ្វើឲ្យអាកាសធាតុនៅកម្ពុជា មានស្ថានភាពដូចជា៖
- នៅរដូវប្រាំង៖ ក្នុងខែមីនា និងខែមេសា ធាតុអាកាសនឹងក្តៅហួតហែងខ្លាំង បរិមាណទឹកភ្លៀងកក់ខែមានចំនួនតិចតួច ហើយបាតុភូតផ្គរ រន្ទះ ខ្យល់កន្ត្រាក់ នឹងកើតឡើងច្រើន។
- នៅដើមរដូវវស្សា៖ ចាប់ពីខែឧសភា ដល់ខែកក្កដា មានភ្លៀងតិច មានបាតុភូតផ្គរ រន្ទះ និងខ្យល់កន្ត្រាក់កើតឡើងច្រើន។ កូនរដូវប្រាំងនឹងកើតមាន ចាប់ពីពាក់កណ្តាលខែកក្កដា ដល់ចុងខែកក្កដា។
- របាយទឹកភ្លៀងនឹងចាប់ផ្តើមធ្លាក់ច្រើន ហើយរាយប៉ាយបានល្អ ចាប់ពីពាក់កណ្តាលរដូវវស្សា រហូតដល់ចុងរដូវវស្សា (ចាប់ពីខែសីហា ដល់ចុងខែវិច្ឆិកា)៕
ព័ត៌មានផ្សេងទៀត
ព្រឹក៖ ម៉ោង ៦:០០-៧:០០Sponsors
វិទ្យុវាយោ
