កូរ៉េខាងត្បូង​-​​កូរ៉េខាងជើង​​ព្រម​ព្រៀម​​កំណត់​​កន្លែង​​ជួបជុំ​របស់​សាច់ញាតិ​​កូរ៉េ​​ហើយ​​

06-10-2015 3:43 pm 1508
សាច់ញាតិរបស់កូរ៉េខាងត្បូងនិងកូរ៉េខាងជើងធ្លាប់បានជួបគ្នាកាលពីពេលកន្លងទៅ​

បើ​តាម​ក្រសួង​បង្រួបបង្រួម​ទីក្រុង​សេ​អ៊ូ​ល​បានបញ្ជាក់​ថា កូរ៉េ​ខាងត្បូង​និង​កូរ៉េ​ខាងជើង​បាន​ប្រកាស​ព្រមព្រៀង ធ្វើការ​ជួបជុំ​សាច់ញាតិ​បងប្អូន​កូរ៉េ ដែល​នឹង​ប្រព្រឹត្តទៅ​នៅ​ថ្ងៃទី​២០​ខែតុលា ដល់​ថ្ងៃ​ទី​២៦​ខែ​តុលា​ខាង​មុខ នៅ​រមណីយដ្ឋាន​ទេសភាព​នៃ​ភ្នំ​Kumgang​របស់​កូរ៉េ​ខាងជើង ។ ការជួបជុំ​សាច់ញាតិ​កូរ៉េ ធ្វើឡើង ដើម្បី​បញ្ចប់​ភាព​តានតឹង​។


​អ្នកនាំពាក្យ​បង្រួបបង្រួម​កូរ៉េ​បាន​បញ្ជាក់ថា ការជួបជុំ​សាច់ញាតិ​កូរ៉េ​ភាគច្រើន​អាយុ​៨០​ឆ្នាំ ដល់​៩០​ឆ្នាំ  ហើយ​ការជួបជុំ​នៅ​រមណីយដ្ឋាន​ទេសភាព​នៃ​ភ្នំ​Kumgang​របស់​កូរ៉េ​ខាងជើង​គឺ​ប្រព្រឹត្តិ​ទៅ​ដោយ​មិន​មាន​ឧបសគ្គ​អ្វី​នោះទេ​។ តែ​យ៉ាងណាក៏ដោយ ទីក្រុង​សេ​អ៊ូ​ល​ស្នើ​ឱ្យ​ទីក្រុង​ព្យុង​យ៉ាង​បញ្ជាក់​ពី​សាច់ញាតិ​របស់​កូរ៉េ​ជើង​ស្លាប់​និង​រស់​ដើម្បីឱ្យ​សាច់ញាតិ​កូរ៉េខាងត្បូង​បាន​ដឹង​ផង ព្រោះ​ក្នុង​ពេល​បច្ចុប្បន្ន​នេះ​សាច់ញាតិ​កូរ៉េខាងត្បូង​មាន​ចំនួន​២៥០​នាក់​។


​សូមបញ្ជាក់​ថា ប្រជាជន​កូរ៉េ​រាប់លាន​នាក់​បាន​បែកបាក់​ក្រោយពី​បញ្ចប់សង្គ្រាម​កាលពី​ឆ្នាំ​១៩៥០-១៩៥៣​។ ចាប់តាំងពី​ពេលនោះ​មក សហគមន៍​ស៊ីវិល​ទាំង​កូរ៉េ​ខាងត្បូង​និង​កូរ៉េខាងជើង បានប្រកាស​ហាមឃាត់​មិនឱ្យ​ជួប​គ្នា​នោះ​ទេ​។ តាមពិតទៅ ប្រជាជន​កូរ៉េ​ខាងត្បូង​៦៦,០០០​នាក់​មាន​ឈ្មោះ​ក្នុង​បញ្ចី សម្រាប់​ចូលរួម​ព្រឹត្តការណ៍​ជួបជុំ ប៉ុន្តែ​មាន​តែ​មនុស្ស​មួយចំនួន​ប៉ុណ្ណោះ​អនុញ្ញាត​ឱ្យ​ចូលរួម​ក្នុង​ព្រឹត្តការណ៍​ជួប​ជុំនេះ​។


​កាលពី​ថ្ងៃ​ទី​២៩​កញ្ញា កូរ៉េ​ខាងជើង​បាន​គំរាម​លុបចោល​ពិធី​ជួបជុំ​សាច់ញាតិ​កូរ៉េ  ហើយ​ការ​គំរាម​លុប​ចោល​នេះ បាន​ធ្វើឡើង​បន្ទាប់​ពី​មេដឹកនាំ​កូរ៉េខាងត្បូង លោកស្រី​Park Geun-hye​បាន​ឡើង​ថ្លែង​សន្ទក​ថា​នៅ​មហាសន្និបាត​អង្គការ​សហប្រជាជាតិ​នៅ​សហរដ្ឋអាមេរិក ពាក់ព័ន្ធ​នឹង​កម្មវិធី​នុយក្លេអ៊ែរ​និង​បញ្ហា​សិទ្ធមនុស្ស​របស់​កូរ៉េខាងជើង​។ លោកស្រី​Park​ឡើង​ថ្លែង​ក្នុង​មហាសន្និបាត​អង្គការសហប្រជាជាតិ​ថា កូរ៉េខាងជើង​ត្រូវគោរព​សិទ្ធមនុស្ស ព្រោះ​កន្លង​មក​របាយការណ៍ របស់​គណៈកម្មាការ​ស៊ើបអង្កេត​អង្គការសហប្រជាជាតិ​បាន​អះអាង​ថា កូរ៉េ​ខាងជើង​បាន​ការ​រំលោភបំពាន​សិទ្ធិមនុស្ស​ខុសច្បាប់​។


​យ៉ាងណាក៏ដោយ លោកស្រី​Park Geun-hye​បាន​និយាយ​កាលពី​ថ្ងៃ​ទី​០៥​តុលា​នេះ​ថា កូរ៉េខាងត្បូង​នឹង​នៅតែ​បន្ដ​កិច្ចការ​ការទូត ជាមួយ​សារ​ធា​រណ​រដ្ឋ​ប្រជាមានិត​ប្រជាធិបតេយ្យ​កូរ៉េ​ខាងជើង សម្រាប់​បង្កើត​ឱ្យមាន​កា​រ​ជួបជុំ​ដោយ​សន្ដិភាព​នៃ​ប្រជាជន​កូរ៉េ​។ លោកស្រី​បន្ត​ថា កូរ៉េខាងត្បូង​នៅតែ​បន្ដ​ដំណើរ​ឆ្ពោះ​ទៅមុខ ដើម្បី​ជំរុញ​ឲ្យមាន​ព្រឹត្ដិការណ៍​ជួបជុំគ្នា​ដោយ​សន្ដិភាព​នៅលើ​ឧបទ្វី​ប​កូរ៉េ​៕(​ដោយ​៖​លាង ធីតា​)  

 

ព័ត៌មានផ្សេងទៀត