ណា​តូ​-​តួ​ក​គី​​ព្រមាន​រុស្ស៊ីចំពោះ​​​ការ​វាយ​ប្រហារ​​​នៅ​​ស៊ីរី​​

06-10-2015 11:39 am 2251

អង្គការ​ណា​តូ​កាលពី​ថ្ងៃ​ទី​០៥​តុលា​បាន​អំពាវនាវ​ឱ្យ​រុស្ស៊ី​បញ្ឈប់​វាយប្រហារ​តាម​ជើង​អាកាស​នៅ​ស៊ី​រី និង​វាយប្រហារ​ឆ្លងដែន​ប្រទេស​តួ​ក​គី​។ អង្គការ​ណា​តូ​បានបញ្ជាក់​ថា ការវាយប្រហារ​តាម​ជើង​អាកាស​របស់​រុស្ស៊ី​នៅ​ស៊ី​រី គឺ​អាច​ធ្វើ​ឱ្យ​ស៊ី​រី​ធ្លាក់​ចូល​ក្នុង​ស្ថានភាព​វឹកវ​រ​ជាង​មុន​ថែមទៀត​។ ជាមួយគ្នានេះ តួ​ក​គី​បាន​ព្រមាន​រុស្ស៊ី ដែល​បាន​វាយប្រហារ​តាម​ជើង​អាកាស​ឆ្លងកាត់​តាម​ព្រំដែន​តួ​ក​គី​។ មន្ត្រី​សន្តិសុខ​តួ​ក​គី​ថា តួ​ក​គី​បាន​ស្ទាក់​យន្តហោះ​ចម្បាំង​រុស្ស៊ី​ប្រភេទ​F-16 អំឡុង​ពេល​បើក​ការវាយប្រហារ​នៅ​ព្រំដែន​តួ​ក​គី​ជាប់​ព្រំដែន​ស៊ី​រី​។

 

ជាមួយគ្នានេះ នាយករដ្ឋមន្ត្រី​តួ​ក​គី​បានបញ្ជាក់​ថា​“​ច្បាប់​របស់​យើង​គឺ​ចូលរួម​យ៉ាង​ច្បាស់​ក្នុងការ​វាយប្រហារ​តាម​ជើង​អាកាស​” ”​ប៉ុន្តែ​ការវាយប្រហារ​តាម​ជើង​អាកាស​របស់​រុស្ស៊ី​គឺ​អាច​បញ្ជាក់​យ៉ាង​ច្បាស់​ថា​បាន​រំលោភ​ដែនអាកាស​របស់​តួ​ក​គី​ទាំងស្រុង​”​។ កន្លង​មក​កងកម្លាំង​ប្រដាប់អាវុធ​តួ​ក​គី​បាន​ណែនាំ​យ៉ាង​ច្បាស់​ហើយ​ថា តួ​ក​គី​មាន​ច្បាប់​សម្រាប់​ការវាយប្រហារ​នៅលើ​ដែន​អាកាស​។


​សូមបញ្ជាក់​ថា យន្តហោះ​ចម្បាំង​រុស្ស៊ី​បាន​វាយប្រហារ​តាម​ជើង​អាកាស​នៅ​ស៊ី​រី​ប្រឆាំង​ក្រុម​សកម្មប្រយុទ្ធ​អ៊ីស្លាម​IS ចាប់តាំងពី​សប្ដាហ៍​មុន​មកម្ល៉េស​។ កន្លងមក ប្រទេស​លោកខាងលិច​បា​ន​ចោទប្រកាន់​រុស្ស៊ី​ថា បាន​គាំទ្រ​លោក​អាសាដ​ដើម្បី​ប្រឆាំង​ក្រុម​អ៊ីស្លាម​IS​។ ប្រទេស​លោកខាងលិច​អះអាងថា តាមពិតទៅ រុស្ស៊ី​មិន​បាន​កម្ទេច​ក្រុម​អ៊ីស្លាម​IS​ចំ​គោលដៅ​នោះទេ ផ្ទុយទៅវិញ​រុស្ស៊ី​បានសម្លាប់​ជន​ស៊ីវិល​ស៊ី​រី​ប៉ុណ្ណោះ​។


​រដ្ឋមន្ត្រីការបរទេស​អាមេរិក​លោក​John Kerry​បានឱ្យដឹងថា ការវាយប្រហារ​តាម​ជើង​អាកាស​របស់​រុស្ស៊ី​គឺជា​ការ​ប្រថុយ​យ៉ាងធ្ងន់ធ្ងរ​។ តែ​យ៉ាងណាក៏ដោយ​លោក​John Kerry​បាន​បញ្ជាក់​ដែរ​ថា លោក​ព្រួយបារម្ភ​យ៉ាងខ្លាំង​ទៅលើ​ការវាយប្រហារ​តាម​ជើង​អាកាស​ឆ្លងដែន​ព្រំដែន​តួ​ក​គី​។ លោក​John Kerry​បានបញ្ជាក់​ថា រុស្ស៊ី​មិនបាន​វាយប្រហារ​ទៅលើ​ក្រុម​អ៊ីស្លាម​IS​តាម​ការសន្យា​នោះទេ​។​


​ជា​ការឆ្លើយតប​ភ្លាមៗ ទីក្រុង​ម៉ូស្គូ​បានបញ្ជាក់​ថា មូលហេតុ​យន្តហោះ​ចម្បាំង​របស់​ខ្លួន​បាន​ចូល​ក្នុង​ទឹកដី​តួ​ក​គី​ជាច្រើន​វិនាទី ដោយសារ​តែ​អាកាសធាតុ​អាក្រក់​ប៉ុណ្ណោះ បន្ទាប់​ពី​វិល​ត្រឡប់​មកពី​មូលដ្ឋាន​អាកាស​របស់​ប្រទេស​ស៊ី​រី ប្រឆាំង​នឹង​ក្រុម​អ៊ីស្លាម​IS៕(​ដោយ​៖​លាង ធីតា​)

ព័ត៌មានផ្សេងទៀត