ក្រុម​IS​​បាញ់សម្លាប់​​ជនជាតិ​ជប៉ុន​ម្នាក់​​នៅ​​ប្រទេស​​បង់​ក្លា​ដេស​

04-10-2015 11:22 am 2501

​ពលរដ្ឋ​ជប៉ុន​​ម្នាក់​​ត្រូវបាន​បាញ់សម្លាប់ នៅ​ភាគ​ខាងជើង​​ប្រទេស​បង់​ក្លា​ដេស​​នៅ​ថ្ងៃ​សៅរ៍​ទី​០៣​តុលា ហើយ​ក្រុម​សកម្ម​ប្រយុទ្ធ​IS បានទាមទារ​ទទួលខុស​ត្រូវ​ចំពោះ​ការស្លាប់​ជនជាតិ​ជប៉ុន​រូបនេះ​។ បើ​តាម​ប៉ូ​លិស​​បុរស​ជនជាតិ​ជប៉ុន​ឈ្មោះ​​Hoshi Kunio អាយុ​​៦៦​​ឆ្នាំ ជា​ញឹកញាប់​បាន​ទៅ​ទស្សនា​ប្រទេស​បង់​ក្លា​ដេស ហើយក៏​ជា​អ្នក​រៀបចំ​គម្រោង​កសិកម្ម​មួយ​នៅក្នុង​ស្រុក​Rangpur ស្ថិតនៅ​ចម្ងាយ​ប្រហែល​៣០០​គីឡូម៉ែត្រ​ភាគ​ខាងជើង​ទីក្រុង​Dhaka​ប្រទេស​បង់​ក្លេ​ដេស​។ ការស្លាប់​របស់​ជនជាតិ​ជប៉ុន​ម្នាក់​នេះ បាន​កើតឡើង​១​សប្តាហ៍​ក្រោយ​បុរស​ជនជាតិ​អ៊ីតាលី​អាយុ​៥០​ឆ្នាំ​ម្នាក់ បាន​ស្លាប់​ដោយសារ​ក្រុម​IS​បាញ់​សម្លាប់​​ដូចគ្នា​៕(​ដោយ​៖​អ៊ុន សុខ​ឡា​)

ព័ត៌មានផ្សេងទៀត