ឥណ្ឌូនេស៊ី​​ចាប់ផ្ដើម​​ស្វែងរក​​យន្ដហោះ​​ក្នុងស្រុក​​មួយ​គ្រឿង​​ដែល​បាត់​​ការទាក់ទង​

03-10-2015 9:25 am 2307
រូបភាពយន្ដហោះនៃក្រុមហ៊ុន​Aviastar airline

​អាជ្ញាធរ​ឥណ្ឌូនេស៊ី​កាលពី​ថ្ងៃ​សុក្រ​ម្សិលមិញ បាន​បើក​ការស៊ើបអង្កេត​ស្វែងរក​យន្ដហោះ​មួយ​គ្រឿង​របស់​ក្រុម​អាកាសចរណ៍Aviastar airline ដែល​ជា​ជើងហោះហើរ​ក្នុងស្រុក​បាន​បាត់​ការទាក់ទង​ក្រោយពេល​ហោះ​ចាកចេញ​ពី​អាកាសយានដ្ឋាន​។ យន្ដហោះ​មួយគ្រឿង​នេះ​មាន​ផ្ទុក​មនុស្ស​១០​នាក់ ហើយ​ក្រសួង​ដឹកជញ្ជូន​ឥណ្ឌូនេស៊ី​បាន​និយាយថា ការស្វែងរក​បានចាប់ផ្ដើម​ក្រោយពេល​យន្ដហោះ​បាត់​ការទាក់ទង​បន្ទាប់ពី​ហោះ​ចេញពី​អាកាសយានដ្ឋាន​ក្នុង​ក្រុង​Masamba នៅ​ប្រមាណ​ជា​៣០​នាទី​មុនពេល​ត្រៀម​ចុះចត​នៅក្នុង​ក្រុង​Makassar​តាម​កាលវិភាគ​។​


​គួររម្លឹកថា ឥណ្ឌូនេស៊ី​បាន​ជួប​ឧប្បត្ដិហេតុ​លើ​យន្ដហោះ​បី​ដង​មកហើយ​កាលពី​ឆ្នាំមុន ក្នុងនោះ​មាន​ទាំង​ការធ្លាក់​យន្ដហោះ​ដឹក​អ្នកដំណើរ​AirAsia ដែល​បាន​ធ្លាក់​ក្នុង​សមុទ្រ​ក្រោយពេល​ហោះ​ចេញពី​កោះ​បាលី​ឆ្ពោះ​ទៅ​ប្រទេស​សិង្ហ​បុរី កាលពី​ខែ​ធ្នូ​បាន​សម្លាប់​មនុស្ស​១៦២​នាក់​៕​​ដោយ​៖​ពេញ ផេង​

ព័ត៌មានផ្សេងទៀត