វិវាទ​​ការងារ​​អាច​​នឹង​​កើន​ឡើង​ ខណៈ​ដល់​​រដូវ​​ទាម​ទារ​​តម្លើង​​ប្រាក់​​ឈ្នួល​​

19-06-2015 4:43 pm 3500

​ខណៈ​ការចរចា​កំណត់​ប្រាក់​ឈ្នួល​អប្បបរមា ក្នុង​ឆ្នាំ​២០១៦ នឹង​ត្រូវ​ធ្វើឡើង​ក្នុង​ខែកក្កដា ឬ​ខែ​សីហា ខាងមុខនេះ​។ បញ្ហា​នៃ​ការធ្វើ​កូដកម្ម​របស់​កម្មករ​និយោជិត អាច​នឹង​កើតឡើង ប្រសិនបើ​ការចរចា​មិន​ត្រូវរ៉ូវ​គ្នា​។ ទាក់ទង​នឹង​បញ្ហា​នេះ វិវាទ​ការងារ​ក៏​ត្រូវបាន​គេ សន្និដ្ឋានថា នឹង​មាន​ការកើនឡើង​ផងដែរ​។ គិត​ចាប់ពី​ដើមឆ្នាំ​២០១៥​រហូតមកដល់​ពេលនេះ ក្រុមប្រឹក្សា​អាជ្ញាកណ្តាល ដែល​ជា​ស្ថាប័ន​ឯករាជ្យ ទទួលបាន​អំណាច​ពី​ច្បាប់​ការងារ ដើម្បី​ដោះស្រាយ​វិវាទ​ការងារ បាន​ទទួល​ពាក្យបណ្តឹង​ពី​ភាគី​គូទំនាស់ ដែល​ភាគច្រើន​ក្នុង​វិស័យ​ឧស្សាហកម្ម​កាត់ដេរ មាន​ប្រមាណ​ជាង​១០០​ករណី​។ នេះ​បើ​តាម​ការបញ្ជាក់​ពី​សំណាក់​លោក​ម៉ែន និម្មិត នាយក​ប្រតិបត្តិ របស់​មូលនិធិ​ក្រុមប្រឹក្សា​អាជ្ញាកណ្តាល ប្រាប់​ដល់​វិទ្យុ​វា​យោ នៅ​ថ្ងៃ​ទី​១៩ មិថុនា​នេះ​។​

 

​លោក​ម៉ែន និម្មិត បាន​បញ្ជាក់បន្ថែម​ថា បញ្ហា​វិវាទ​ទាំង​ជាង​១០០​ករណីនេះ ភាគច្រើន​កើតចេញពី​ការទាមទារ​ប្រាក់ ឈ្នួល ដែល​ក្នុងនោះ​រួម​មាន​ការទាមទារ​តម្លើង​ប្រាក់​ឈ្នួល និង​ប្រាក់រង្វាន់​ផ្សេងៗ​។ វិវាទ​ទាក់ទង​នឹង​ការបញ្ឈប់ ការចោទប្រកាន់​ពី​ការរើសអើង ថ្នាក់ដឹកនាំ​សហជីព និង​បញ្ហជា​ច្រើន​ទៀត ដែល​ទាក់ទង​នឹង ការងារ សុខភាព និង​សុវត្ថិភាព​។​

​សម្លេង​លោក​ម៉ែន និម្មិត​

 

​ក្នុង​មួយ​ឆ្នាំៗ ក្រុមប្រឹក្សា​អាជ្ញាកណ្តាល ត្រូវ​ចំណាយ​ថវិកា​ប្រមាណ ៥​សែន​ដុល្លារ សម្រាប់​ផ្តល់​សេវា ដោះស្រាយ វិវាទ​ការងារ​ដល់​កម្មករ និង​និយោជក តាម​រោងចក្រ ដោយ​មិន​គិតថ្លៃ​។ នៅ​ឆ្នាំ ២០១៤ ការចំណាយ​បាន​កើនឡើង កាន់តែច្រើន ដោយសារ​តែ​ការកើនឡើង នៃ​វិវាទ​ការងារ ដែល​មាន​ជាង​៣៦០​សំណុំរឿង​។ ជាង​១១​ឆ្នាំ​មកនេះ ក្រុមប្រឹក្សា​អាជ្ញាកណ្តាល បាន ដោះស្រាយ​វិវាទ​ការងារ ចំនួន ១៨៥០​ករណី​ផងដែរ​។ នេះ​បើ​តាម​របាយការណ៍​របស់​ក្រុមប្រឹក្សា​អាជ្ញាកណ្តាល នៅ​ឆ្នាំ​២០១៤​។​
​យ៉ាងណាក៏ដោយ បើ​តាម​ការ​ប៉ាន់​ប្រមាណ​ពី​សំណាក់​លោក​ម៉ែន និម្មិត បានឲ្យដឹងថា ករណី​វិវាទ ក្នុង​ឆ្នាំ​២០១៥​នេះ អាច​នឹង​មាន​ការ​កើន​លើស ឬ​ប្រហាក់ប្រហែល ករណី​វិវាទ​ក្នុង​ឆ្នាំ​២០១៤​។​

សម្លេង​លោក​ម៉ែន និម្មិត

 

​គួរបញ្ជាក់​ថា ការចរចា​កំណត់​ប្រាក់​ឈ្នួល​អប្បបរមា​ក្នុង​ឆ្នាំ​២០១៦ ខាងមុខនេះ នឹង​ត្រូវ​ធ្វើឡើង​ក្នុង​៣​ដំណាក់កាល គឺ​ចាប់ពី​ខែកក្កដា ដល់​ខែ​សីហា ដោយ​ដំណាក់កាល​ទីមួយ គឺ​តម្រូវ​ឱ្យ​សហជីព​ជួប​ជាមួយ​សហជីព ដើម្បី​កំណត់​ប្រាក់​ឈ្នួល​អ​ប្បរមា​ដែល​ខ្លួន​ត្រូវការ​។ ដំណាក់កាល​ទី​២ តម្រូវ​ឱ្យ​និយោជក​ពិភាក្សា​ជាមួយ​និយោជក ដើម្បី​សិក្សា​ពី​លទ្ធភាព​ដែល​អាច​ផ្តល់​ប្រាក់​ឈ្នួល​អប្បរមាដ​ល់ក​ម្មករ និង​ដំណាក់កាល​ទី​៣ គឺ​រាជរដ្ឋាភិបាល ពិភាក្សា​ជាមួយ​ក្រុមប្រឹក្សា​អាជ្ញាកណ្តាល ដើម្បី​សម្របសម្រួល​ឱ្យ​ភាគី​ទាំង​ពីរ​គួរ​កំណត់​ប្រាក់​ឈ្នួល​អ​ប្បរមា ប៉ុន្មាន ក្នុង​ឆ្នាំ​២០១៦​ខាងមុខនេះ​។ ក្នុង​រយៈពេល​នេះ ត្រូវបាន​គេ​មើលឃើញថា បញ្ហា​វិវាទ​អាច​នឹង​កើតមាន​៕ ដោយៈ​សៅ វិសាល​

ព័ត៌មានផ្សេងទៀត

 ​អ្នកតាមដាន​សង្គម​គាំទ្រ​ការបើក​ផ្សារ​រដ្ឋ​ឡើងវិញ​​តែ​ក៏​នៅ​បារម្ភ​ពី​ការផ្ទុះ​ឆ្លង​ជាថ្មី​​

 លោក​នេត្រ ភ​ក្ត្រា​៖ ការ​ផ្តាច់​ជំនួយ​នៅ​ព្រៃ​ឡង់​បង្ហាញ​ថា​កម្ពុជា​រឹងមាំ​និង​ម្ចាស់​លើ​ខ្លួនឯង​

 អ្នកវិភាគ​ស្នើ​ពលរដ្ឋ​កុំ​ភ្លេចខ្លួន​ពី​រឿង​គ្រោះថ្នាក់​ចរាចរណ៍​និង​ស្នើ​ប៉ូលិស​ចរាចរណ៍​ត្រូវមាន​សីលធម៌​

 ​តើ​ពលរដ្ឋ​កម្ពុជា​ពិតជា​មិនចេះ​ចិញ្ចឹម​ត្រី​ដូច​​មតិ​មួយចំនួន​លើកឡើង​មែន​ទេ​?​

 អ្នកតាមដាន​សង្គម​ជឿជាក់​លើ​វិធានការ​រុះរើ​ផ្ទះ​បណ្តែតទឹក​របស់​អាជ្ញាធរ​ក្រុងភ្នំពេញ​

 កុំ​ប្រហែស​ជាមួយនឹង​ជំងឺ​កូវី​ដ​-១៩ អ្នកស្លាប់​នៅ​កម្ពុជា​កើន​ដល់​ជាង​៣០០​នាក់​ហើយ​!

 អ្នកវិភាគ​៖ ជម្រះ​​មន្ទិល​សង្ស័យ​រឿង​ទ័ព​​ចិន​​នៅ​​រាម​គួរ​មាន​​ភាគី​​ទី​៣​​ជា​សាក្សី​​

 ​តំណាង​WHO​ប្រចាំ​កម្ពុជា​៖​ការ​រាតត្បាត​កូវី​ដ​១៩​​នៅ​កម្ពុជា​អាច​ធ្ងន់ធ្ងរ​និង​គ្រោះថ្នាក់​​

 សហជីព​អំពាវនាវ​ឱ្យ​កម្មករ​ត្រូវ​សហការ​ជាមួយ​អាជ្ញាធរ​និង​គ្រូពេទ្យ​ក្នុង​ការ​យក​សំណាក​

 អ្នកនយោបាយ​៣​រូប​គាំទ្រ​ចំណាត់ការ​រុះរើ​ផ្ទះ​បណ្តែត​ទឹកតែ​ស្នើឱ្យ​គោរព​សិទ្ធិមនុស្ស​