ចិន​​​ជា​ប្រទេស​​​នាំចេញ​​​អាវុធ​​​​លំដាប់​ថ្នាក់​​​ទី​បី​​​លើ​​​សាកលលោក​

16-03-2015 11:47 am 3416
គ្រាប់​មីស៊ីល​ដែលចិន​បាន​ដាក់បង្ហាញ

ចិន​ត្រូវបានគេទទួលស្គាល់​និង​មាន​ឈ្មោះ​បោះ​សំឡេង​ពេញ​ពិភពលោក​ទៅហើយ ទាក់ទង​នឹង​វិស័យសេដ្ឋកិច្ច យោធា ជាពិសេស​គឺ​ទាក់ទង​នឹង​ការផលិត​អាវុធ​​​។ ត្បិត​ចិន​មិន​ទាន់​ក្លាយជា​ប្រទេស​ដែល​នាំមុខគេ​លើ​វិស័យ​ទាំងអស់​នេះ​ ក៏ដោយ ប៉ុន្ដែ​ចិន​ក៏​ជា​ប្រទេស​មិន​ធម្មតា​ដែរ ហើយ​ក៏​ធ្វើឱ្យ​អាមេរិក​ជា​ប្រទេស​មហាអំណាច​ពិភពលោក ព្រឺក្បាល​មិនតិច​នោះ​ទេ​ទាក់ទង​នឹង​សព្វាវុធ​របស់ខ្លួន​។


​ ជាមួយ​សន្ទុះ​នៃ​ការកើនឡើង​ជា​បន្ដបន្ទាប់​នូវ​គុណភាព រួម​ទាំង​ល្បឿន​នៃ​ការផលិត​អាវុធ ចិន​បាន​ក្លាយជា​ប្រទេស​ជាប់​លំដាប់ថ្នាក់​ទី​បី ជា​ប្រទេស​នាំចេញ​អាវុធ​ធំ​និង​ច្រើនជាងគេ​ក្នុង​ពិភពលោក​។ បើ​តាម​ការបញ្ជាក់​ពី​ក្រុម​អ្នកជំនាញ​មាន​មូលដ្ឋាន​នៅ​ក្រុង​Stockholm​ ប្រទេស​ស៊ុយអែត បាន​និយាយ​នៅ​ថ្ងៃ​ទី​១៦​មីនា​នេះ​ថា ចិន​បាន​នាំមុខ​អាល្លឺម៉ង់​និង​បារាំង ដោយ​ក្លាយជា​ប្រទេស​ដែល​នាំចេញ​សព្វាវុធ​លំដាប់​ទី​៣​លើ​ពិភពលោក បន្ទាប់​ពី​អាមេរិក​និង​រុស្ស៊ី​។​


​ទំហំ​នៃ​ពាណិជ្ជកម្ម​អាវុធ ដែល​មាន​ទឹកប្រាក់​វាល់​លាន​ដុល្លារ​របស់​ចិន បាន​កើនឡើង​១៦​ភាគរយ​ក្នុង​រយៈពេល​ពី​ឆ្នាំ​២០១០​ដល់​ឆ្នាំ​២០១៤​។ នេះ​បើ​តាម​វិទ្យាស្ថាន​ស្រាវជ្រាវ​សន្ដិភាព​ពិភពលោក​នៅ​ក្នុង​ទីក្រុង​ Stockholm បញ្ជាក់បន្ថែម​នៅក្នុង​របាយការណ៍​ប្រចាំឆ្នាំ​។ វិទ្យាស្ថាន​ដដែល​បានឱ្យដឹង​ទៀត​ថា បើ​តាម​តួលេខ​បានបង្ហាញ​ថា អាមេរិក​មាន​ការនាំចេញ​អាវុធ​ជា​សាកល​រហូតដល់​៣១​ភាគរយ បន្ទាប់មក​គឺ​រុស្ស៊ី​មាន​២៧​ភាគរយ​។


​ទាក់ទង​នឹង​ប្រទេស​ក្នុង​ តំបន់​អាស៊ី​បី​ដែល​ទទួល​ទិញ​អាវុធ​ជាង​ពីរ​ភាគ​បី នៃ​ការនាំចេញ​អាវុធ​របស់​ចិន មាន​ប៉ា​គី​ស្ថាន​៤១​ភាគរយ បន្ទាប់មកទៀត​មាន​បង់​ក្លា​ដែស​និង​មី​យ៉ាន់​ម៉ា​។ លើសពីនេះ​ទៅ​ទៀត ចិន​មាន​អតិថិជន​១៨​ប្រទេស​ផ្សេង​ទៀត​នៅ​ទ្វីបអាហ្វ្រិក​។ ដោយឡែក​ចំពោះ​អតិថិជន​ផ្ដាច់មុខ​របស់​រុស្ស៊ី​វិញ​គឺ​ឥណ្ឌា ដោយ​ឥណ្ឌា​បាន​នាំ​ចូល​អាវុធ​មាន​៧០​ភាគរយ គឺ​ដេញថ្លៃ​យក​ពី​រុស្ស៊ី​។ រីឯ​អាមេរិក​ដែល​ជា​ប្រទេស​លំដាប់​ថ្នាក់​លេខ​មួយ​ក្នុង​ការនាំ​ចេញ​អាវុធ​ ក្នុង​ពិភពលោក មាន​អតិថិជន​ចម្រុះ​ច្រើនជាងគេ​បំផុត ហើយ​កូរ៉េខាងត្បូង​គឺជា​អតិថិជន​ផ្ដាច់មុខ​៕​​​ដោយៈ​ពេញ ផេង​

 

ព័ត៌មានផ្សេងទៀត