នាយករដ្ឋមន្ត្រី​៖​ផលិត​រឿង​កូនប្រុស​ក្រោម​ពន្លឺ​ព្រះ​ចន្ទ​ពេញ​បរ​មី មិន​ប្រើ​ថវិកា​ជាតិ​ទេ​

13-01-2021 5:09 pm 374

​លោកនាយក​រដ្ឋមន្ត្រី​ហ៊ុន សែន មានប្រសាសន៍នៅថ្ងៃទី១៣ ខែមករានេះថា ការចំណាយ​ថវិកា​ក្នុង​ការផលិត​ខ្សែភាពយន្ត​រឿង កូនប្រុស​ក្រោម​ពន្លឺ​ព្រះ​ចន្ទ​ពេញ​បរ​មី មិន​បាន​ប្រើប្រាស់​ថវិកា​ជាតិ​សូម្បីតែ​មួយ​សេន។ ​ប្រមុខ​រដ្ឋាភិបាល​លើកឡើង​យ៉ាង​ដូច្នេះ បន្ទាប់ពី​មាន​ក្រុមប្រឆាំង​មួយចំនួន​បាន​ចោទប្រកាន់​មក​លើ​រូប​លោក​ថា បាន​ប្រើប្រាស់​ថវិកា​ក្នុង​ការផលិត​ខ្សែភាពយន្ត​រឿង​ភាគ​នេះ​។​

​រដ្ឋាភិបាល​កម្ពុជា​កាល​ពី​ថ្ងៃ​ទី​០៥​ខែ​មករា បាន​ចេញ​សេចក្តីសម្រេច​មួយ​បង្កើត​គណៈកម្មការ ផលិត​ភាពយន្ត​ភាគ​រឿង កូនប្រុស​ក្រោម​ពន្លឺ​ព្រះ​ចន្ទ​ពេញ​បរ​មី ជា​រឿងនិទាន​បែប​ប្រវត្តិសាស្ត្រ និយាយ​ពី​ដំណើរ​ជីវិត​តស៊ូ​របស់ លោកនាយក​រដ្ឋមន្ត្រី​ហ៊ុន សែន ដោយ​មាន​បញ្ចូល​នូវ​ព្រឹត្តិការណ៍​សំខាន់ៗ​ជាច្រើន ក្នុង​ការស្វែងរក​សន្តិ​ភាព​ជូន​ប្រជាពលរដ្ឋ​។​

គួរបញ្ជាក់ថា ​រឿង«​កូនប្រុស​ក្រោម​ពន្លឺព្រះច័ន្ទ​ពេញ​បូណ៌​រមី​» នឹង​ត្រូវ​ថត​ជា​ខ្សែភាពយន្ត​ភាគ ដោយ​ផលិតកម្ម​ឯកជន​មួយ ហើយ​នឹង​ត្រូវ​លក់​ទៅឲ្យ​ស្ថានីយ៍ទូរទស្សន៍​នានា ដើម្បី​ចាក់​ផ្សាយ​ជា​សាធារណៈ​ជូន​ប្រជាជន​បាន​ទស្សនា​៕

ព័ត៌មានផ្សេងទៀត