​អាមេរិក​បន្ត​ផ្ដល់​ប្រព័ន្ធ​GSP​ដល់​កម្ពុជា​​តែ​អាច​ភ្ជាប់​បញ្ហា​សិទ្ធិមនុស្ស​ដូច​EU?​

08-01-2021 2:46 pm 2184

​សមាគម​រោងចក្រ​កាត់ដេរ​នៅ​កម្ពុជា (GMAC) បាន​បញ្ជាក់ប្រាប់​ទៅ​សមាជិក​របស់ខ្លួន​កាលពី​ថ្ងៃទី​០៦ ខែ​មករា ឆ្នាំ​២០២១​ថា បន្ទាប់ពី​កម្មវិធី​អនុគ្រោះ​ពន្ធ​ទូទៅ​របស់​សហរដ្ឋអាមេរិក​(Generalized System of Preferences-GSP)​បាន​ផុតរលត់​សុពលភាព​របស់ខ្លួន​នៅក្នុង​ប្រទេស​កម្ពុជា ក៏ដូចជា​ប្រទេស និង​ដែនដី​១១៩​ទៀត កាលពី​ថ្ងៃទី​៣១ ខែ​ធ្នូ ឆ្នាំ​២០២០ នឹងមាន​ផលប៉ះពាល់​ផ្ទាល់​ទៅលើ​អ្នកបញ្ជា​ទិញ​។ ប៉ះពាល់​ទៅលើ​អ្នកបញ្ជា​ទិញ ដោយសារ​ត្រូវ​បង់ពន្ធ​នាំចូល​ទៅកាន់​សហរដ្ឋអាមេរិក​សិន រហូត​ទាល់តែ​កម្មវិធី​នេះ ត្រូវ​សហរដ្ឋអាមេរិក​ផ្តល់​សុពលភាព​ឡើងវិញ​។​
 

​សម្រាប់​មេដឹកនាំ​សហជីព​ក្នុង​វិស័យ​វាយ​ន​ភណ្ឌ​កាត់ដេរ​សម្លៀកបំពាក់​និង​ស្បែកជើង ក្នុងនោះ​មាន​លោក​អាត់ ធន់ និង​លោក​ប៉ាវ ស៊ីណា ពួកគេ​បាន​សម្ដែង​ការព្រួយបារម្ភ និង​ចាត់ទុក​បញ្ហា​នេះ ជា​បញ្ហា​ប្រឈម​សម្រាប់​ប្រទេស​កម្ពុជា​យើង​បន្ថែមទៀត ខណៈ​កម្ពុជា​កំពុងតែ​ប្រឈម​ក្នុង​ការនាំ​ទំនិញ​ចេញទៅ​សហភាព​អឹរ៉ុប ដោយសារ​ត្រូវ​បង់ពន្ធ​២០%​។ មេដឹកនាំ​សហជីព​ទាំងនេះ​បានលើកឡើង​ផងដែ​រថា កម្មវិធី​អនុគ្រោះ​ពន្ធ​ទូទៅ​របស់​សហរដ្ឋអាមេរិក GSP អាច​នឹង​ភ្ជាប់​លក្ខខណ្ឌ​បញ្ហា​សិទ្ធិមនុស្ស និង​ប្រជាធិបតេយ្យ​ដូច​ប្រព័ន្ធ​អនុគ្រោះ​ពន្ធ EBA សហភាព​អឺរ៉ុប បើ​សហរដ្ឋអាមេរិក​បន្ត​ផ្ដល់ឱ្យ​កម្ពុជា​សារជាថ្មី​។​
 

​តើ​សហរដ្ឋអាមេរិក​ពិតជា​យក​បញ្ហា​សិទ្ធិមនុស្ស និង​ប្រជាធិបតេយ្យ​នៅ​កម្ពុជា ភ្ជាប់​លក្ខខណ្ឌ​ជាមួយ​កម្មវិធី​អនុគ្រោះ​ពន្ធ​ទូទៅ GSP របស់ខ្លួន ដូច​ប្រព័ន្ធ​អនុគ្រោះ​ពន្ធ EBA សហភាព​អឺរ៉ុប​ឬក៏​យ៉ាងណា​? នៅក្នុង​ហេតុការណ៍​សំខាន់​នា​ថ្ងៃនេះ វិទ្យុ​វាយោ​បាន​សម្ភាសន៍​លោក​អ៊ូ ច័ន្ទ​រ័ត្ន អតីត​តំណាងរាស្ត្រ​នៃ​អតីត​គណបក្ស​សង្គ្រោះ​ជាតិ និង​លោក​សុខ ឥសាន អ្នកនាំពាក្យ​គណបក្ស​ប្រជាជន​កម្ពុជា ដែល​រៀបចំ​ជូន​ដោយ​សេង បារាំង ដូចតទៅ​៖

សំឡេង៖

ព័ត៌មានផ្សេងទៀត