អាមេរិក​បញ្ជាក់​ពីករណី​ឆ្លង​ដំបូង​នៃ​វីរុស​កូវី​ដ​១៩​ទម្រង់​ថ្មី​

30-12-2020 10:01 am 158

​អាមេរិក​បានបញ្ជាក់​ពី​ករណី​ឆ្លង​ដំបូង នៃ​វីរុស​កូវី​ដ​១៩​ដែល​ទើប​បំប្លែង​ខ្លួន​រកឃើញ​មុនគេ​នៅ​ប្រទេស​អង់គ្លេស​។ ករណី​ឆ្លង​ថ្មី​នៃ​វីរុស​កូវី​ដ​១៩​ទម្រង់​ថ្មី​នេះ ត្រូវបាន​រកឃើញ​លើ​បុរស​អាយុ​២០​ឆ្នាំ​ម្នាក់​នៅ​រដ្ឋ​Colorado​។ បុរស​ដែល​វិជ្ជ​មានកូ​វីដ​១៩​ទម្រង់​ថ្មី​នេះ មិន​ធ្លាប់មា​នប្រវត្តិធ្វើដំណើរ​ទៅណា​ឡើយក្នុងពេល​ថ្មីៗ​នេះ ហើយ​បច្ចុប្បន្ន​កំពុងតែ​ធ្វើ​ចត្តា​ឡី​ស័ក​។ មន្ត្រី​សុខាភិបាល​រដ្ឋ​បាន​និយាយថា ពួកគេ​កំពុងធ្វើការ​ដើម្បី​កំណត់​អត្តសញ្ញាណ​អ្នក​ដែល​បាន​ទាក់ទង​ជាមួយ​បុរស​រូបនេះ​។ 

គួរ​ជម្រាប​ថា វីរុស​កូវី​ដ​១៩​ដែល​ទើបនឹង​បំបែក​ខ្លួន​ថ្មី ត្រូវបាន​រកឃើញ​ដំបូង​នៅ​ប្រទេស​អង់គ្លេស​។ ពេលនេះ​មេរោគ​នេះ បាន​រាតត្បាត​ស្ទើរ​ពាសពេញ​ពិភពលោក​ហើយ​។ គេ​នាំគ្នា​ព្រួយបារម្ភ​កាន់តែខ្លាំង ពី​ការឆ្លង​រាតត្បាត​នេះ​មេរោគ​ថ្មី​នេះ ដ្បិត​អ្នកជំនាញ​វេជ្ជសាស្ត្រ​អះអាងថា វីរុស​កូវី​ដ​១៩​ដែល​ទើប​បំបែក​ខ្លួន​ថ្មី មាន​ហានិភ័យ​ឆ្លង​ខ្ពស់ជាង​វីរុស​កូវី​ដ​១៩ ដែលមាន​ប្រភព​ចេញពី​ទីក្រុង​វូ​ហាន​ប្រទេស​ចិន​។ មាន​ហានិភ័យ​ឆ្លង​ខ្ពស់ ដោយសារ​វា​មានលទ្ធភាព​ចម្លង​ពី​មនុស្ស​ម្នាក់​ទៅ​មនុស្ស​ម្នាក់ទៀត ដល់​ទៅ​៧០​ភាគរយ​ឯណោះ ប៉ុន្តែ​មិន​បង្ក​គ្រោះថ្នាក់​ដល់​អ្នកជំងឺ​នោះទេ​។ យ៉ាងណា មកទល់ពេលនេះ មិនទាន់មាន​ការបកស្រាយ​ច្បាស់លាស់ ពី​វីរុស​កូរ៉ូណា​ជំនាន់​ថ្មី​នេះ​នៅឡើយ​ទេ ដោយ​កំពុង​ស្ថិតក្រោម​ការស៊ើបអង្កេត​បន្ថែម​៕​

 ពាក្យគន្លឹះ  អាមេរិកកូវីដ១៩

ព័ត៌មានផ្សេងទៀត