ចាន់ រតនា​​ត្រូវ​បរាជ័យ​​ក្រោម​ថ្វីដៃ​​កីឡាករ​ចិន​​ក្នុង​ទឹក​ទី​៣(វីដេអូ)

18-12-2020 10:24 pm 540
កីឡាករចាន់ រតនា(ឆ្វេង)​និងកីឡាករ​ចិនXie Wei

​អ្នក​លេងគុន​ខ្មែរ​និង​គុន​ចម្រុះ​កីឡាករ​ចាន់ រតនា មិន​អាច​ទទួលបាន​ជោគជ័យ​ដូច​ការរំពឹង​ទុក​នោះ​ទេ នៅក្នុង​ការប្រកួត​កម្ម​វិធី​Collision Course រៀបចំឡើង​ដោយ​ONE Championship​។ ការប្រកួត​ប្រព្រឹត្ដទៅនៅ​ក្នុង​ប្រទេ​សសិង្ហបុរី កាលពី​ម៉ោង​៧​និង​៣០​នាទី​យប់​ម៉ោង​នៅ​កម្ពុជា ថ្ងៃទី​១៨ ខែ​ធ្នូ ឆ្នាំ​២០២០​នេះ​។ កីឡាករ​ចាន់ រតនា​ត្រូវ​ប្រកួត​ជាមួយ​កីឡាករ​ចិន​Xie Wei ដែល​ជា​គូ​បើកឆាក​។ 

​ការប្រកួត​ស្ថិតក្នុង​លក្ខណៈ​គុន​ចម្រុះ​MMA មាន​បី​ទឹក​មួយ​ទឹក​៥​នាទី​។ ក្នុង​ទឹក​ទី​១​និង​ទី​២ កីឡាករ​ចាន់ រតនា​អាច​ទប់ទល់​កីឡាករ​ចិន​បាន ដោយ​មាន​ការ​វាយបក​គ្នា​ទៅវិញទៅមក​។ លុះ​ចូល​ដល់​ទឹក​ទី​៣​កីឡាករ​ចាន់ រតនា​ត្រូវ​កីឡាករ​Xie Wei​វាយ​ចូល​មុខ​មួយ​ដៃ​ធ្វើឲ្យ​ដួល​ទៅលើ​តាពី រួច​ក៏​ត្រូវ​កីឡាករ​ចិន​សម្រុក​ទៅ​វាយ​បន្ថែម​បណ្ដាល​ឲ្យ​អាជ្ញាកណ្ដាល​បញ្ចប់​ការប្រកួត​ក្នុង​ទឹក​ទី​៣​តែម្ដង​។

សូមទស្សនាវីដេអូខាងក្រោម៖

​ដោយ​៖​ពេញ ផេង​

 ពាក្យគន្លឹះ  កីឡាប្រដាល់ចាន់រតនា

ព័ត៌មានផ្សេងទៀត