អ្នកការទូត​កូរ៉េខាងត្បូង​ពិបាក​ជឿថា​កូរ៉េខាងជើង​ពុំមាន​អ្នក​ឆ្លងកូវី​ដ​-១៩

06-12-2020 4:32 pm 326

​កូរ៉េខាងជើង​ដែល​ផ្តោត​ខ្លាំង​ទៅលើ​វិធានកា​រទប់​ស្តាត់ការ​ឆ្លង​រាតត្បាត​វីរុស​កូវី​ដ​-១៩​យ៉ាង​តឹងរឹង​បំផុត​នោះ រហូត​មកដល់ពេលនេះ​នៅតែ​អះអាងថា ពុំមាន​ករណី​វិជ្ជមាន​វីរុស​កូវី​ដ​-១៩​សូម្បីតែ​មួយ​ករណី​នៅក្នុង​ប្រទេស​របស់ខ្លួន​។ រដ្ឋមន្ត្រី​ក្រសួងការបរទេស​កូរ៉េខាងត្បូង​លោក​Kang Kyung-wha បានដាក់​ការសង្ស័យ​នៅ​ថ្ងៃ​សៅរ៍​ថ្ងៃទី​៥​ខែធ្នូ​ឆ្នាំ​២០២០ ជុំវិញ​ការអះអាង​របស់​កូរ៉េខាងជើង​ថា គ្មាន​ករណី​ឆ្លង​វីរុស​កូវី​ដ​-១៩​នៅ​ក្នុងប្រទេស​។ កូរ៉េខាងត្បូង​ដែល​នៅតែមាន​មន្ទិលសង្ស័យ អម​ជាមួយ​ការចម្លែក​ក្នុង​ចិត្ត ដែល​កូរ៉េខាងជើង​ថា​គ្មាន​អ្នក​ឆ្លង​វីរុស​កូវី​ដ​-១៩ ក៏​កំពុងតែ​ស្នើសុំ​ផ្តល់ជំនួយ​ដល់​ប្រទេស​ដ៏​ឯកោ​លើ​ពិភពលោក​មួយ​នេះ ដើម្បី​ទប់ស្កាត់​ការឆ្លង​រាតត្បាត​នៃ​វីរុស​កូវី​ដ​-១៩ ប៉ុន្តែ​ទីក្រុង​ព្យុងយ៉ាង​ហាក់ដូចជា​មិនសូវ​អើពើ​នឹង​ការស្នើសុំ​ជួយ​របស់ខ្លួន​ឡើយ​។  

​គួរ​ជម្រាបជូន​ថា នៅក្នុង​របាយការណ៍​ប្រចាំ​សប្តាហ៍​ថ្មី​បំផុត ផ្ញើ​ទៅកាន់​អង្គការ​សុខភាព​ពិភពលោក ប្រទេស​កូរ៉េខាងជើង​មិនបាន​បញ្ជាក់ថា មាន​ករណី​ឆ្លង​វីរុស​នេះ​ទេ ទោះបីជា​កូរ៉េខាងជើង​បានបញ្ជាក់​ថា​មាន​ករណី​សង្ស័យ​ចំនួន​៨,៥៩៤​ក៏ដោយ​។ បើ​យោងទៅតាម​សេវាកម្ម​ស៊ើបការណ៍​សម្ងាត់​ជាតិ​របស់​ប្រទេស​កូរ៉េខាងត្បូង ហាក់​មិន​ជឿ​លើ​របាយការណ៍​នេះឡើយ ព្រោះ​ប្រទេស​នេះ​មាន​ការដោះដូរ​ពាណិជ្ជកម្ម​និង​ការធ្វើដំណើរ​ទៅមក រ​វា​ប្រជាជន​និង​ប្រជាជន​ជាមួយ​ប្រទេស​ចិន ដែលជា​កន្លែង​វីរុស​នេះ​លេចឡើង​ដំបូង​កាលពី​ចុងឆ្នាំ​២០១៩ មុន​បិទ​ព្រំដែន​ជាមួយគ្នា​នៅ​ចុង​ខែមករា​ឆ្នាំ​២០២០​។​

​សូ​បញ្ជាក់ដែរថា យោងទៅតាម​ការចុះផ្សាយ​ដោយ​គេហទំព័រ​ធ្វើ​បច្ចុប្បន្នភាព​វីរុស​កូវី​រដ​-១៩​ប្រចាំថ្ងៃ worldometer នៅ​រសៀល​ថ្ងៃទី​៦​ខែធ្នូ​ឆ្នាំ​២០២០ កំណើន​ករណី​ឆ្លង​វីរុស​កូវី​ដ​-១៩​លើ​ពិភពលោក​កើន​ដល់​ជិត​៦៧​លាន​នាក់ នៅក្នុង​នោះ​ស្លាប់​ជាង​១​លាន​៥​សែន​នាក់​និង​ជាសះស្បើយ​ជាង​៤៦​លាន​នាក់​៕ ដោយ៖អ៊ុន សុខឡា

 ពាក្យគន្លឹះ  កូរ៉េខាងជើងកូវីដ១៩

ព័ត៌មានផ្សេងទៀត