នាយករដ្ឋមន្ត្រី​៖​ឆ្នាំ​២០២១​មិន​មាន​ការដំឡើង​ប្រាក់បៀវត្ស​មន្ត្រីរាជការ​ឡើយ​

​លោកនាយក​រដ្ឋមន្ត្រី​ហ៊ុន សែន បាន​ថ្លែង​បញ្ជាក់ថា នៅ​ឆ្នាំ​២០២១​ខាងមុខ នឹង​ពុំ​មាន​ការដំឡើង​ប្រាក់បៀវត្ស​សម្រាប់​មន្ត្រីរាជការ​ទូទៅ និង​កងកម្លាំងប្រដាប់អាវុធ​ឡើយ ដោយ​ដំឡើង​សម្រាប់តែ​អតីត​មន្ត្រីរាជការ និង​អតីតយុទ្ធជន​ដែល​បាន​ចូលនិវត្តន៍​តែប៉ុណ្ណោះ​។ លោកនាយក​រដ្ឋមន្ត្រី​ថ្លែង​យ៉ាង​ដូច្នេះ​ក្នុងឱកាស​អញ្ជើញ​ជួប​សំណេះសំណាល និង​ពិនិត្យ​លទ្ធផល​ការងារ​របស់​សមាជិក​ក្រុម​មេធាវី​រាជរដ្ឋាភិបាល និង​មេធាវី​ស្ម័គ្រចិត្ត​សម្តេច​តេជោ សរុប​ចំនួន​១៥៣​នាក់ នៅ​វិមាន​សន្តិភាព រាជធានី​ភ្នំពេញ នា​ព្រឹក​ថ្ងៃទី​២៥ ខែវិច្ឆិកា ឆ្នាំ​២០២០​នេះ​៕

សំឡេងលោកនាយករដ្ឋមន្រ្តីហ៊ុន សែន៖