មាន​របួស​គួរ​ចៀសវាង​ទទួលទាន​អាហារ​ទាំងនេះ ប្រយ័ត្ន​មាន​ស្នាម​ផ្លែ​

23-11-2020 6:21 pm 545

​របួស​អាច​កើតឡើង​ដោយសារតែ​កាំបិត​មុត ឬ​ប៉ះទង្គិច​ជាមួយនឹង​វត្ថុ​មុត​ស្រួច​ផ្សេងៗ​។ របួស​ទាំងនេះ អាច​បន្សល់ទុក​នូវ​ស្នាម​ផ្លែ ក្រោយពេល​ជាសះស្បើយ ឬ​ការព្យាបាល​មាន​សភាព​យឺត​មិន​ងាយ​ជា ប្រសិនបើ​អ្នក​ទទួលទាន​ចំណីអាហារ​មិនបាន​ត្រឹមត្រូវ​។ ដូច្នេះ ដើម្បីឲ្យ​របួសឆាប់​ជាសះស្បើយ ហើយ​គ្មាន​ស្នាម​ផ្លែ អ្នក​គួរតែ​តម​អាហារ​មួយចំនួន​ដូចជា​សាច់​សុនក​។ សាច់សត្វ​មួយ​ប្រភេទ​នេះ អាច​ផ្តល់​ថាមពល​និង​ប្រូតេអ៊ីន​ច្រើន​សម្រាប់​រាងកាយ ហេតុនេះ​នៅពេលដែល​អ្នក​ទទួលទាន ខណៈ​ស្បែក​កំពុងតែ​ត្រូវរបួស​នោះ ច្បាស់​ជា​បន្សល់ទុក​នូវ​ស្លាកស្នាម​និង​ផ្លែ ក្រោយពេល​ជាសះស្បើយ​។ 

​ស្រដៀង​គ្នា​នេះដែរ ការបរិភោគ​សាច់គោ មិន​ត្រឹមតែ​ធ្វើឲ្យ​មុខរបួ​សក្លាយ និង​មាន​ការឈឺចាប់​កាន់តែខ្លាំង​ប៉ុណ្ណោះ​ទេ វា​ក៏​អាចបង្កើត​ស្លាកស្នាម ក្រោយពេល​របួស​ជាសះស្បើយ​ដែរ​។ ក្រៅពី​សាច់​ទាំងពីរ​ប្រភេទ​នេះ សាច់មាន់​ឯណេះ​វិញ ក៏មាន​ឥទ្ធិពល​អវិជ្ជមាន​លើ​របួស​ផងដែរ​។ ក្រៅពី​ធ្វើឲ្យ​មុខរបួ​សមានភាព​រមាស់ សាច់មាន់​ក៏​អាច​បង្ក​ឲ្យ​របួស​ក្លាយ មិន​ងាយ​ជា​ដូច​សាច់គោ​អ៊ីចឹង​។ ជាពិសេស វា​អាច​បង្កឲ្យមាន​ស្លាកស្នាមឬ​ផ្លែ បន្ទាប់ពី​របួស​បានជា​សះស្បើយ​។​

​ចំណែក​ត្រកួន​ដែល​ពេញនិយម​ខ្លាំង​សម្រាប់​មនុស្ស​មួយចំនួន​នោះ ក៏​មិន​ស័ក្តិសម​ឡើយ​សម្រាប់​អ្នក​ត្រូវរបួស​ទទួលទាន​។ បន្លែ​ពណ៌​បៃតង​មួយ​ប្រភេទ​នេះ ផ្ទុក​ជាតិ​ដែក​ដែល​ល្អ​បំផុត​សម្រាប់​រាងកាយ​។ ក៏ប៉ុន្តែ អ្នក​ដែល​ត្រូវរបួស​មិនគួរ​ទទួលទាន​វា​ទេ ពីព្រោះ​អាច​បង្ក​ឲ្យ​កើតមាន​ស្នាម​ផ្លែ​នៅត្រង់​មុខរបួស ក្រោយពេល​ជាសះស្បើយ​៕

 ពាក្យគន្លឹះ  សម្រស់ស្នាមផ្លែ

ព័ត៌មានផ្សេងទៀត