លោក​ហ៊ុន សែន​អរគុណ​លោក​កឹម សុខា​ចំពោះការ​​បរិច្ចាគ​ថវិកា​៥​ពាន់​ដុល្លារ​

16-10-2020 4:20 pm 589

​លោកនាយក​រដ្ឋមន្ត្រី​ហ៊ុន សែន នៅ​ថ្ងៃ​ទី​១៦ ខែ​តុលា​នេះ បាន​ផ្ញើលិខិត​ថ្លែងអំណរគុណ​ជូន​លោក​កឹម សុខា អតីត​ប្រធាន​នៃ​អតីត​គណបក្ស​សង្គ្រោះ​ជាតិ និង​ភរិយា ដែល​បាន​បរិច្ចាគ ថវិកា​ចំនួន​៥០០០​ដុល្លារ សម្រាប់​ជួយសង្គ្រោះ​ដល់​ប្រជាពលរដ្ឋ​ដែល​ទទួល​រងគ្រោះ​ដោយសារ​ទឹកជំនន់​។​

​លោកនាយក​រដ្ឋមន្ត្រី​បាន​មានប្រសាសន៍ថា​៖ «​ខ្ញុំ​តែងតែ​មាន​មោទនភាព​យ៉ាង​ជ្រាលជ្រៅ​ដោយ​សារ​គុណធម៌​ដ៏​ថ្លៃថ្លា របស់​ជនរួមជាតិ​យើង​ដែល​ជានិច្ចកាល​តែងតែ​បង្ហាញ​នូវ​សប្បុរសធម៌ និង​សាមគ្គីធម៌​ជួយ​គ្នា​ទៅវិញទៅមក​ក្នុង​គ្រា​មាន​អាសន្ន​»​។ «​ក្នុងនាម​រាជរដ្ឋាភិបាល និង​ប្រជាជន​កម្ពុជា ខ្ញុំ​សូម​ថ្លែងអំណរគុណ​យ៉ាង​ស្មោះ​ចំពោះ​ជំនួយ​ជា​ថវិកា​ចំនួន​៥០០០​ដុល្លារ ដែល​ឯកឧត្តម និង​លោកជំទាវ បាន​ផ្តល់​ជា​កិច្ច​ជួយ​សម្រាល់​ដល់​ការដោះស្រាយ​ផលវិបាក​ដោយសារ​ទឹកជំនន់ ដែល​កើតចេញ​ពី​គ្រោះធម្មជាតិ​ក្នុងពេល​បច្ចុប្បន្ន​»៕

ព័ត៌មានផ្សេងទៀត