ចិនផ្ដល់ជំនួយឥតសំណងប្រមាណ១៤០លានដុល្លារអាមេរិកដល់កម្ពុជា

ដោយ៖ Vayofm Teams 12-10-2020 11:15 am 508

ជំនួបប្រជុំការងាររវាងលោកឧបនាយករដ្ឋមន្ត្រីហោ ណាំហុង ជាមួយលោកវ៉ាង យី

រដ្ឋាភិបាលចិនបានប្រគល់នូវកំណត់ទូតអំពី ជំនួយឥតសំណងសម្រាប់គម្រោងប្រញាប់ក្នុងការអភិវឌ្ឍដែលមានទឹកប្រាក់ចំនួន ៩៥០លានយាន់ ស្មើនឹងប្រហែល១៤០លានដុល្លារអាមេរិកដល់កម្ពុជា។ នេះបើតាមការបញ្ជាក់នៅទំព័រហ្វេសប៊ុកផ្លូវការរបស់ លោកឧបនាយករដ្ឋមន្ត្រីហោ ណាំហុងនៅថ្ងៃទី១២តុលានេះ។

គួរជម្រាបថា កំណត់ទូតអំពីជំនួយឥតសំណងសម្រាប់គម្រោងប្រញាប់ក្នុងការអភិវឌ្ឍកម្ពុជានេះ ធ្វើឡើងក្នុងជំនួបប្រជុំការងាររវាងលោកឧបនាយករដ្ឋមន្ត្រីហោ ណាំហុង ជាមួយលោកវ៉ាង យី ទីប្រឹក្សារដ្ឋ និងជារដ្ឋមន្ត្រីការបរទេសនៃសាធារណរដ្ឋប្រជាមានិតចិនកាលពីថ្ងៃទី១១ តុលា ឆ្នាំ២០២០៕

ដោយ៖ យឺន សីហា

ពាក្យគន្លឹះ កម្ពុជា ចិន ជំនួយឥតសំណង