លោក​ហ៊ុន សែន​ថា​​លោក​​បាន​ធ្វើ​កំហុស​​អ​ចេតនា​មួយ​​ពេល​​ដង្ហែ​ព្រះ​មហាក្សត្រ​​​​

06-10-2020 11:18 am 474

​លោកនាយក​រដ្ឋមន្ត្រី​ហ៊ុន សែន នៅ​ថ្ងៃ​ទី​០៦ ខែ​តុលា​នេះ បាន​មានប្រសាសន៍ថា លោក​បាន​ធ្វើ​នៅ​កំហុស​អ​ចេតនា​មួយ ជា​មួយ​អង្គ​ព្រះមហាក្សត្រ ខណៈពេល​ដង្ហែ​ព្រះអង្គ​យាង​ទៅ​ប្រទេស​ចិន​។​

​ប្រមុខ​រដ្ឋាភិបាល មានប្រសាសន៍​យ៉ាង​ដូច្នេះ​ថា​៖ ថ្ងៃនេះ​ទូលព្រះបង្គំ ខ្ញុំ​ព្រះករុណា​ខ្ញុំ​បាន​ធ្វើ​នៅ​កំហុស​ដោយ​អ​ចេតនា​មួយ​។ នោះ​គឺ​ការប្រើ​វ៉ែនតា​ពណ៍​ខ្មៅ​ក្នុងពេល​ដង្ហែ​ព្រះមហាក្សត្រ​និង​ហ្លួង​ម៉ែ​យាង​ចេញ​ទៅ​សាធារណរដ្ឋ​ប្រជាមានិត​ចិន នៅ​ព្រលានយន្តហោះ​ពោ​ចិន​តុង​។​

​លោកនាយក​រដ្ឋមន្ត្រី​មានប្រសាសន៍​បន្ត​ថា នេះ​មិនមែន​ជា​ទម្លាប់​ខាង​ពិធីការ​របស់​ទូលព្រះបង្គំ​ខ្ញុំ​ព្រះករុណា​ខ្ញុំ​ឡើយ តែ​ដោយសារ​ភ្នែក​ចាញ់​ពន្លឺ​ថ្ងៃ ក៏​មិន​បាន​ដូរ​វ៉ែន​តាស​ជំនួស​វិញ​។ ទួល​ព្រះ​បង្គំ ខ្ញុំ​ព្រះករុណា​ខ្ញុំ​សូម​ព្រះរាជ​ទោស​ចំពោះ​ព្រះអង្គ​ទាំង​ទ្វេ និង​សូម​អភ័យទោស​ពី​បងប្អូន​ជនរួមជាតិ​ចំពោះ​កំហុស​ដោយ​អ​ចេតនា​នេះ​៕

ព័ត៌មានផ្សេងទៀត