ឥណ្ឌា​ចាប់ខ្លួន​សកម្មប្រយុទ្ធ​អាល់​កៃ​ដា​៩​នាក់ ដែល​រៀបចំ​ផែនការ​វាយប្រហារ​ភេរវកម្ម​

19-09-2020 5:39 pm 582

​ទីភ្នាក់ងារ​ស៊ើបអង្កេត​ជាតិ​ឥណ្ឌា ( NIA ) និយាយ​នៅ​ថ្ងៃទី​១៩​ខែកញ្ញា​ឆ្នាំ​២០២០​ថា បាន​ចាប់ខ្លួន​ក្រុម​សកម្មប្រយុទ្ធ​អាល់​កៃ​ដា​ចំនួន ៩ នាក់ ដែល​កំពុង​រៀបចំ​ផែនការ​វាយប្រហារ​នៅ​ទីតាំង​ជាច្រើន រួមទាំង​នៅ​រដ្ឋធានី​ញូវដែលី​ប្រទេស​ឥណ្ឌា​ផងដែរ​។  NIA​និយាយថា​ក្រុម​សកម្ម​ប្រយុទ្ធ ៦ នាក់ ត្រូវបាន​ចាប់ខ្លួន​នៅ​ភាគ​ខាងកើត​នៃ​រដ្ឋ West Bengal និង ៣ នាក់​ទៀត​នៅ​រដ្ឋ Kerala ភាគខាងត្បូង​។ 

NIA​បន្ថែមថា ក្រុម​សកម្មប្រយុទ្ធ​នេះ​ទទួលបាន​ការឧបត្ថម្ភ​គាំទ្រ ពី​ក្រុម​សកម្មប្រយុទ្ធ​ដែល​កំពុងតែ​ជ្រកកោន​ក្នុងប្រទេស​ប៉ា​គី​ស្ថាន​។ ភ្លាមៗ​នេះ ប៉ា​គី​ស្ថាន​មិនទាន់​ឆ្លើយតប​យ៉ាងណា​ពាក់ព័ន្ធ​នឹង​ការអះអាង​របស់​ទីភ្នាក់ងារ​ស៊ើបអង្កេត​ជាតិ​ឥណ្ឌា​នៅឡើយ​ទេ តែ​បើតាម​បទពិសោធន៍​កន្លងមក ប៉ា​គី​ស្ថាន​តែងតែ​បដិសេធ​នៅក្នុង​ការផ្តល់​សម្ភារៈ​គាំទ្រ​ដល់​ក្រុម​សកម្មប្រយុទ្ធ ដើម្បី​អុកឡុក​ប្រទេសជិតខាង​៕ ដោយ​៖​អ៊ុន សុខ​ឡា​

 ពាក្យគន្លឹះ  ឥណ្ឌាភេរវកម្ម

ព័ត៌មានផ្សេងទៀត