អ្នកគាំទ្រ​​ក្រុមបាល់ទាត់​​ក្រុង​វូ​ហាន​​ដេក​មិន​លក់​​ព្រោះ​អាច​​ចូល​មើល​​ការប្រកួត​​បាន​វិញ​​នៅថ្ងៃនេះ​

06-09-2020 3:25 pm 221

​អ្នកគាំទ្រ​ក្រុមបាល់ទាត់​ក្រុង​វូ​ហាន​គឺ​ក្លឹប​Wuhan Zall បានបង្ហាញ​អារម្មណ៍​រីករាយ​ជាខ្លាំង ដោយសារតែ​ពួកគេ​អាច​ចូល​ទស្សនា​ផ្ទាល់​បាន​វិញ​ជា​លើកដំបូង​ក្នុង​ការប្រកួត​របស់​ក្លឹប​នៅ​ថ្ងៃអាទិត្យ​នេះ​។ វា​ជា​លើកដំបូង​បន្ទាប់ពី​ខក​ខាត​ជិត​មួយឆ្នាំ ដោយសារតែ​វិធានការ​បិទ​ក្រុង​ក្រោយ​ផ្ទុះឡើង​នូវ​ជំងឺ​កូវី​ដ​-១៩​។ វូ​ហាន​ជា​ទីក្រុង​ដែល​ផ្ទុះ​ករណី​ឆ្លងកូវី​ដ​-១៩​ដំបូង​គេ​តាំងពី​ចុងឆ្នាំ​២០១៩ ហើយ​នៅ​ដើមឆ្នាំ​២០២០​អាជ្ញាធរ​ក្រុង​បានដាក់​វិធានការ​បិទ​ក្រុង មិនឲ្យ​ប្រជាជន​ប្រមាណ​១១​លាន​នាក់​ក្នុង​ក្រុង​ចាកចេញ​ទៅណា​ឡើយ​។​

​ប៉ុន្ដែ​នៅពេល​ស្ថានភាព​នៃ​ជំងឺ​ឆ្លងកូវី​ដ​-១៩​អាច​គ្រប់គ្រង​បាន អ្នកគាំទ្រ​របស់​ក្លឹប​បាល់ទាត់​Wuhan Zall​នឹង​អាច​ចូល​ទស្សនា​ការប្រកួតរ​បស់​ក្លឹប​តទល់​ជា​មួយក្រុម​Beijing Guoan ស្ថិតក្នុង​ទីក្រុង​ស៊ូ​ជូ​ជិត​ទីក្រុង​សៀង​ហៃ​នៅ​ម៉ោង​៧​យប់​ថ្ងៃអាទិត្យ​នេះ​ម៉ោង​ក្នុង​តំបន់ ស្ថិតក្នុង​ក្របខណ្ឌ​Chinese Super League​។ អ្នកគាំទ្រ​បាន​ប្រកូក​ប្រកាស​គ្នា មាន​ទាំង​ក្នុង​បណ្ដាញ​សង្គម​ផង ដោយ​និយាយថា​មិនបាច់​ដេក​នោះទេ គឺ​រង់ចាំ​ទាល់​ភ្លឺ​តែម្ដង​បន្ទាប់មក​ជួបគ្នា​នៅពេល​ការប្រកួត​ចាប់ផ្ដើម​៕(​ដោយ​៖​ពេញ ផេង​)

 

 ពាក្យគន្លឹះ  កីឡាបាល់ទាត់

ព័ត៌មានផ្សេងទៀត