កូរ៉េខាងត្បូង​និង​ចិន​ជួបពិភាក្សាកម្រិត​ខ្ពស់​ជាមួយគ្នា​

22-08-2020 6:11 pm 1337

​កូរ៉េខាងត្បូង​និយាយ​នៅ​ថ្ងៃទី​២២​ខែសីហា​ឆ្នាំ​២០២០​ថា ខ្លួន​បាន​ជួបពិភាក្សា​ជាមួយ​អ្នកការទូត​កំពូល​របស់​ប្រទេស​ចិន ស្តីពី ពាណិជ្ជកម្ម ការដកហូត​អាវុធ​នុយក្លេអ៊ែរ និង​ការឆ្លើយតប​នឹង​មេរោគ​ឆ្លងកូវី​ដ​-១៩ ព្រមទាំង​បញ្ហា​មួយចំនួនទៀត​។ ភាគី​ចិន​ដឹកនាំ​ដោយ​លោក​ Yang Jiechi សមាជិក​ការិយាល័យ​នយោបាយ នៃ​គណៈកម្មាធិការ​មជ្ឈិមបក្ស​កុ​ម្មុយ​និស្ត​ចិន ហើយ​ភាគី​កូរ៉េខាងត្បូង​ដឹកនាំ​ដោយ​លោក​ Suh Hoon ទីប្រឹក្សា​សន្តិសុខ​ជាតិ​ថ្មី​របស់​កូរ៉េខាងត្បូង​។ ជំនួប​នេះ​ធ្វើឡើង​នៅក្នុង​ទីក្រុង​ប៊ូសាន​ប្រទេស​កូរ៉េខាងត្បូង​។​

​នៅក្នុង​ជំនួប​ពិភាក្សា ភាគី​ទាំង​ពីរបាន​ព្រមព្រៀង សម្រាប់​ការបំពេញ​ទស្សនកិច្ច​របស់លោក​ស៊ី ជី​ង​ពី​ន​ប្រធានាធិបតី​ចិន ទៅកាន់​ប្រទេស​កូរ៉េខាងត្បូង នៅពេលដែល​ស្ថានភាព​នៃ​វីរុស​កូវី​ដ​-១៩​មាន​ស្ថិរភាព​។ លោក Yang និយាយថា​ចិន​នឹង​បន្ត​ជជែក​និង​សហការ​ជាមួយ​ប្រទេស​កូរ៉េខាងត្បូង ដើម្បី​សម្រេចបាន​នូវ​ការរំសាយ​អាវុធ​នុយក្លេអ៊ែរ និង​សន្តិភាព​នៅលើ​ឧបទ្វីប​កូរ៉េ​។ ភាគី​ទាំងពីរ​ក៏បាន​ឯកភាព​លើ​ភាពចាំបាច់ ដើម្បី​រៀបចំ​កិច្ចប្រជុំ​កំពូល​ត្រីភាគី​កូរ៉េខាងត្បូង - ចិន - ជប៉ុន​ក្នុងឆ្នាំនេះ​ផងដែរ​៕

 ពាក្យគន្លឹះ  ចិនកូរ៉េខាងត្បូង

ព័ត៌មានផ្សេងទៀត