លោក​ហ៊ុន ម៉ា​នី​ ចូលរួម​រំលែក​ទុក្ខ​អ្នករងគ្រោះ​ក្នុង​ឧប្បទវហេតុ​ផ្ទុះ​នៅ​រដ្ឋធានី​បេរូត​ ប្រទេស​លី​បង់​​

05-08-2020 11:39 am 538

​លោក​ហ៊ុន ម៉ា​នី ប្រធាន​សហភាព​សហព័ន្ធ​យុវជន​កម្ពុជា​នៅ​ថ្ងៃទី​០៥​ខែសីហា​នេះ បាន​បង្ហោះ​សារ​សោកស្តាយ​ចំពោះ​ឧប្បទ្ទវហេតុ​ផ្ទុះ​ឃ្លាំង​ស្តុក​សារធាតុ​គីមី​នៅ​ប្រទេស​លី​បង់ ដែល​បណ្តាលឲ្យមាន​មនុស្ស​ស្លាប់ និង​របួស​រាប់ពាន់នាក់​។​

​លោក​ហ៊ុន ម៉ា​នី បាន​បញ្ជាក់ថា លោក​ពិតជា​មាន​ក្ដី​រន្ធត់​ក្រៃលែង​បន្ទាប់ពី​ទទួលដំណឹង​ពី​ឧប្បទ្ទវហេតុ​ផ្ទុះ​ដ៏​ខ្លាំងក្លា​ចេញពី​ឃ្លាំង​ស្ដុក​អា​ម៉ូ​ញ៉ូម​នីត្រាត (Ammonium Nitrate) នៅ​កំពង់ផែ​មួយ ក្នុង​រដ្ឋធានី​បេរូត ប្រទេស​លី​បង់ កាលពី​ថ្ងៃ​អង្គារ​ទី​០៤ ​ខែ​សីហា​។​

​លោក​បានបង្ហាញ​នូវ​អារម្មណ៍​សោកស្ដាយ​ជា​ពន់ពេក​ចំពោះ​ការបាត់បង់​អាយុជីវិត​និង​ការ​រងរបួស​ប្រជាពលរដ្ឋ​លី​បង់​ជាច្រើន​ពាន់​នាក់​ក្នុង​ឧបទ្ទវហេតុ​ដ៏​រន្ធត់​នេះ​។ 

​ជាមួយគ្នានេះ​លោក​ហ៊ុន ម៉ា​នី​ក៏បាន​ចូលរួម​សម្ដែង​មរណៈទុក្ខ​ដ៏​ក្រៀមក្រំ​ជាមួយ​ក្រុមគ្រួសារ​ជនរងគ្រោះ​ដែល​បាន​បាត់​បង់ជីវិត​និង​សូម​បួងសួង​ឲ្យ​អ្នក​ដែល​រងរបួស​នៅ​បេសកកម្ម​ស្វែងរក​អ្នក​ដែល​បាត់​ខ្លួន​ក្នុង​គំនរ​ផេះផង់​ទទួលបាន​ជោគជ័យ​។​

​សូម​បញ្ចាក់​ថា មនុស្ស​យ៉ាងហោចណាស់​៧៨​នាក់​ស្លាប់ និង​ជាង​៤០០០​នាក់​បាន​រងរបួស នៅក្នុង​ការផ្ទុះ​យ៉ាង​កក្រើក​ចំនួន​២ នៅ​បរិវេណ​កំពង់ផែ​ក្នុង​ទីក្រុង​Beirut ប្រទេស​លី​បង់​កាលពី​ថ្ងៃទី​០៤​ខែ​សីហា​៕​

ដោយ​៖វណ្ណ យ៉ារី 

ព័ត៌មានផ្សេងទៀត