ប្រមុខ​ការទូត​កម្ពុជា​នឹង​ចូលរួម​កិច្ចប្រជុំ​ការបរទេស​មេគង្គ​-​ជប៉ុន​លើ​ក​ទី​១៣

07-07-2020 4:50 pm 321

​លោក​ប្រាក់ សុខុន រដ្ឋមន្ត្រី​ក្រសួង​ការបរទេស និង​សហប្រតិបត្តិការ​អន្តរជាតិ​កម្ពុជា​នឹង​អញ្ជើញ​ចូលរួម​កិច្ចប្រជុំ​រដ្ឋមន្ត្រីការបរទេស​មេគង្គ​-​ជប៉ុន​លើ​ក​ទី​១៣​តាម​ប្រព័ន្ធ​វីដេអូ​នៅ​ថ្ងៃទី​០៩ ខែកក្កដា​។​
​កិច្ចប្រជុំ​នេះ​ដឹកនាំ​ដោយ​សហប្រធាន​ពីររូប​គឺ​រដ្ឋមន្ត្រី​ការបរទេស​វៀតណាម និង​រដ្ឋមន្ត្រី​ការបរទេស​ជប៉ុន​។ 

​បើ​តាម​សេចក្តីប្រកាស​ព័ត៌មាន​នៅ​ថ្ងៃ​ទី​០៧​ខែកក្កដា​នេះ​បានឲ្យដឹងថា កិច្ចប្រជុំ​នេះ​នឹង​ពិភាក្សា​លើ​វឌ្ឍនភាព​ដែល​សម្រេច​បាន​ក្រោម​«​យុទ្ធសាស្ត្រ​ទីក្រុង​តូ​ក្យូ​ឆ្នាំ​២០១៨» និង «​គំនិត​ផ្តួចផ្តើម​មេគង្គ​-​ជប៉ុន​សម្រាប់​គោលដៅ​អភិវឌ្ឍន៍​ប្រកបដោយ​ចីរភាព​ឆ្នាំ​២០៣០» ក៏ដូចជា «​កិច្ចសហប្រតិបត្តិការ​មេគង្គ​-​ជប៉ុន​។​

​កិច្ចប្រជុំ​នេះ​ធ្វើឡើង​ក្នុង​គោលបំណង​សម្រេច​ឲ្យបាន​នូវ​ការ​គ្របដណ្តប់​សុខភាព​ជា​សកល (Universal Health Coverage) និង​ការពង្រឹង​ទំនាក់ទំនង​សេដ្ឋកិច្ច​» តាមរយៈ​ការចែករំលែក​បទពិសោធ​ន៍ និងឧ​ត្ត​ម្មា​នុវត្តន៍ ដើម្បី​ឆ្លើយតប​ទៅ​នឹង​ជំងឺ​រាតត្បាត​កូវី​ដ​-១៩ និង​ការលើកកម្ពស់​សុខភាព សេដ្ឋកិច្ច និង​ការអភិវឌ្ឍ​ប្រកបដោយ​ចីរភាព​ក្នុង​តំបន់​មេគង្គ​៕

ដោយ៖ សៅ វិសាល

ព័ត៌មានផ្សេងទៀត