មនុស្ស​ស្លាប់​ដោយសារកូ​វីដ​១៩​នៅ​អាមេរិក​កើន​ដល់​ជាង​៩​ម៉ឺន​និង​ឆ្លង​ជាង​១​លាន​កន្លះ​

19-05-2020 9:21 am 1447

​មនុស្ស​ស្លាប់​ដោយសារតែ​វីរុស​កូរ៉ូ​ណាឬកូវី​ដ​-១៩​នៅ​អាមេរិក​បាន​កើនឡើង​ដល់​ជាង​៩​ម៉ឺន​នាក់​ហើយ គិត​ត្រឹម​ថ្ងៃទី​១៨​ខែឧសភា​ឆ្នាំ​២០២០​។ ដោយឡែក ករណី​ឆ្លង​វិញ​បាន​កើន​ដល់​ជាង​១​លាន​៥​សែន​នាក់ និង​ព្យាបាល​ជាសះស្បើយ​បាន​កើនឡើង​ដល់​ជាង​៣៥​ម៉ឺន​នាក់​។ នេះ​បើ​យោងទៅតាម​របាយការណ៍​ចុះផ្សាយ​ដោយ​គេហៈទំព័រ​Worldometer នៅ​ព្រឹក​ថ្ងៃទី​១៩​ខែឧសភា​ឆ្នាំ​២០២០​នេះ​។​

​អាមេរិក​ជា​ប្រទេស​ដែលមាន​មនុស្ស​ស្លាប់​និង​ឆ្លង​វីរុស​កូរ៉ូណា​ច្រើនជាងគេ​បំផុត​នៅ​ក្នុងពិភពលោក​។ ប្រទេស​ចំនួន​៦​ផ្សេងទៀត ដែល​មនុស្ស​ស្លាប់​និង​ឆ្លង​ច្រើន​ដែរនោះ​រួមមាន រុស្ស៊ី ស្លាប់​ជាង​២,៧០០​នាក់ ឆ្លង​ជាង​២៩​ម៉ឺន​នាក​និង​ព្យាបាល​ជាសះស្បើយ​ជាង​៧​ម៉ឺន​នាក់​។ អេ​ស្ប៉ាញ​ស្លាប់​ជាង​២៧,០០០​នាក់ ឆ្លង​ជាង​២៧​ម៉ឺន​នាក់ ព្យាបាល​ជាសះស្បើយ​ជាង​១៩​ម៉ឺន​នាក់​។ ប្រេ​ស៊ីល ស្លាប់​ជាង​១៦,០០០​នាក់ ឆ្លង​ជាង​២៥​ម៉ឺន​នាក់ ព្យាបាល​ជាសះស្បើយ​ជាង​១០​ម៉ឺន​នាក់​។ អង់គ្លេស​ស្លាប់​ជាង​៣៤,០០០​នាក់ ឆ្លង​ជាង​២៤​ម៉ឺន​នាក់​។ អ៊ីតាលី​ស្លាប់​ជាង​៣២,០០០ ឆ្លង​ជាង​២២​ម៉ឺន​នាក់ ព្យាបាល​ជាសះស្បើយ​ជាង​១២​ម៉ឺន​នាក់ និង​បារាំង​ស្លាប់​ជាង​២៨,០០០​នាក់ ឆ្លង​ជាង​១៧​ម៉ឺន​នាក់ និង​ព្យាបាល​ជាសះស្បើយ​ជាង​៦១,០០០​នាក់​។

ចំណែក តួលេខ​មនុស្ស​ស្លាប់​នៅក្នុង​ពិភពលោក​បាន​កើនឡើង​ដល់​ជាង​៣២​ម៉ឺន​នាក់ ឆ្លង​ជាង​៤​លាន​៨​សែន​នាក់ និង​ព្យាបាល​ជាសះស្បើយ​ជាង​១​លាន​៩​សែន​នាក់​៕ ​ដោយ​៖​អ៊ុន សុខ​ឡា​

 ពាក្យគន្លឹះ  វីរុសកូរ៉ូណាអាមេរិក

ព័ត៌មានផ្សេងទៀត