«​រា​ក​»​គួរ​ផឹក​ទឹកដូង ទឹក​ក្រូចឆ្មារ​និង​ពិសា​អាហារ​មាន​ជាតិ​សរសៃ​

27-04-2020 6:15 pm 273

​ការឆ្លង​មេរោគ គឺជា​មូលហេតុ​មួយ ដែល​នាំឲ្យមាន​ការ​រាករូស ហើយ​សម្រាប់​មូលហេតុ​ផ្សេងទៀត​មានដូចជា ការឆ្លង​បាក់តេរី​, ជំងឺ​ពោះវៀន​, អាឡែ​ស៊ី និង​ផឹកស្រា​ច្រើនពេក​។ ចំណែកឯ​ស្ថានភាព​វេជ្ជសាស្ត្រ​វិញ មានដូចជា ការ​មាន​ជំងឺ​ទឹកនោមផ្អែម ឬ​ជំងឺលើសឈាម​, ការ​ទទួលទាន​អាហារ​ដែល​រំខាន​ដល់​ប្រព័ន្ធ​រំលាយ​អាហារ និង​ការប្រើប្រាស់​ថ្នាំ​មួយចំនួន ដែល​បង្កឲ្យមាន​ផល​រំខាន​ជាដើម​។​

​រាគ ធ្វើឲ្យ​អ្នក​អស់កម្លាំង និង​ខ្សោះ​ជាតិ​ទឹក​។ ប៉ុន្តែ​មិនមាន​អ្វីដែល​ត្រូវ​ព្រួយបារម្ភ​ខ្លាំងពេក​នោះទេ អ្នក​អាច​ស្តារ​មុខងារ​ធម្មតា នៃ​ពោះវៀន​របស់​អ្នក ដោយមាន​ជំនួយ​ពី​ឱសថ​មួយចំនួន ដែលមាន​នៅក្នុង​ផ្ទះ​របស់អ្នក​។ 
​វិធី​ទី​១ ញ៉ាំ​ទឹកដូង​១​កែវ គឺ​ពី​១​ទៅ​២​ដង​រៀងរាល់ថ្ងៃ ក្នុង​រយៈពេល​២​ទៅ​៣​ថ្ងៃ​។ ទឹកដូង​អាចជួយ​ក្នុង​ការព្យាបាល ការ​ខះ​ជាតិ​ទឹក ដែលជា​ផលវិបាក​ដ៏​សំខាន់​មួយ នៅពេលដែល​អ្នក​ជួបប្រទះ​បញ្ហា​រាករូស​។ ទឹកដូង​មិន​ត្រឹមតែ​ជួយ​បំពេញបន្ថែម នូវ​សារធាតុ​រាវ​ដែល​បាត់បង់​នៅក្នុង​ខ្លួន​របស់​អ្នក​ប៉ុណ្ណោះ​ទេ ប៉ុន្តែ​វា​ក៏​ជួយ​ក្នុង​ការស្តារ​តុល្យភាព​អេឡិចត្រូ​លីត្រ ក្នុង​រាយ​កាយ​ផងដែរ​។​

​វិធី​មួយទៀត​ដើម្បី​ដោះស្រាយ​បញ្ហា​រាក​ដែរនោះ​គឺ​ក្រូចឆ្មារ​។ យក​ក្រូចឆ្មារ​មួយ​ចំណិត​តូច ច្របាច់​យក​ទឹក ដាក់​ក្នុង​ទឹក​១​កែវ ហើយ​បន្ថែម​ស្ករ​១​ទៅ​២​ស្លាបព្រា កូរ​ឲ្យ​សព្វ​ហើយ​ផឹក​វា​ភ្លាមៗ​។ បន្ថែម​លើ​នេះ អ្នក​ត្រូវ​រក្សា​ជាតិ​ទឹក​នៅក្នុង​ខ្លួនឲ្យបាន​គ្រប់គ្រាន់ តាមរយៈ​ការ​ផឹកទឹក និង​ទឹក​ផ្លែឈើ ព្រមទាំង​ញ៉ាំ​អាហារ​ដែល​ផ្ទុក​ដោយ​ជាតិ​សរសៃ ដូចជា​ផ្កា​ខាត់ណា​ពណ៌​ខៀវ និង​ចេក​ជាដើម​។ អំឡុង​ពេលនោះ អ្នក​គួរ​ចៀសវាង​ផឹកស្រា ហើយ​កត់​ទុក​ប្រភេទ​អាហារ ដែល​ញ៉ាំ​ហើយ​ធ្វើឲ្យ​ស្ថានភាព​អ្នកកាន់តែ​ធ្ងន់ធ្ងរ ឬ​អាហារ​ដែល​ញ៉ាំ​ហើយ​ធ្វើឲ្យ​អាឡែ​ស៊ី ដើម្បី​ចៀសវាង​ញ៉ាំ​វា​នៅពេល​ក្រោយ​។​

​យ៉ាងណាក៏ដោយ អ្នក​គួរ​ប្រញាប់​ទៅ​ស្វែងរក​ការព្យាបាល​ជាបន្ទាន់​ពី​គ្រូពេទ្យ បើ​រាក​ក្នុងពេល​ជាប់ៗ​គ្នា ព្រោះ​អាច​នឹងមាន​ផលវិបាក​ធ្ងន់ធ្ងរ​៕ 

 ពាក្យគន្លឹះ  សុខភាពរាក

ព័ត៌មានផ្សេងទៀត