ចិន​ប្រាប់​ឲ្យ​​លោកខាងលិច​​រៀនសូត្រ​​ពីខ្លួន​​ចំពោះ​​ការទប់ស្កាត់​​ករណី​​ឆ្លង​វីរុស​កូរ៉ូណា​

16-03-2020 3:46 pm 1541

​ដោយសារតែ​វិបត្ដិ​នៃ​វីរុស​កូរ៉ូ​ណាឬកូវី​ដ​-១៩​នៅក្នុង​ប្រទេស​ចិន ហាក់ដូចជា​ចុះខ្សោយ​ជាង​មុន​គួរឲ្យកត់សម្គាល់ ប៉ុន្ដែ​កើនឡើង​នៅតាម​បណ្ដា​ប្រទេស​ផ្សេងៗ​ក្នុង​ពិភពលោក ពេលនេះ​សារ​របស់​ទីក្រុង​ប៉េកាំង​គឺថា ប្រទេស​លោកខាងលិច​ដែល​កំពុង​ជួប​ហានិភ័យ​ខ្ពស់ គួរតែ​រៀនសូត្រ​ពី​ប្រទេស​ចិន​ដើម្បី​ចាត់វិធានការ​ទប់ស្កាត់​ការ​រាតត្បាត​។ នេះ​ជា​ការកត់សម្គាល់​របស់​អ្នកជំនាញ​ចិន​។​

​អង្គការ​សុខភាព​ពិភពលោក​(WHO)​បានប្រកាស​កាលពី​ចុង​សប្ដាហ៍​មុន​ថា អឺរ៉ុប​គឺជា​ចំណុចកណ្ដាល​នៃ​ការឆ្លង​រាតត្បាត​ថ្មី​មួយទៀត ហើយ​អាច​គ្របដណ្ដប់​លើ​ករណី​បាន​កើតឡើង​នៅក្នុង​ប្រទេស​ចិន​ផង​។ ការផ្ទុះ​ឡើង​ក្នុង​បណ្ដា​ប្រទេស​នៅ​អឺរ៉ុប​តួយ៉ាង​មានអេ​ស្ប៉ាញ​ជាដើម បច្ចុប្បន្ន​កើនឡើង​ជិត​៨​ពាន់​ករណី​និង​ស្លាប់​ប្រមាណ​៣០០​នាក់​ទៀត​។ ក្រៅពីនេះ​មាននៅ​បារាំង នៅ​អ៊ីតាលី ក៏​សុទ្ធ​ជា​ប្រទេស​ផ្ទុះ​កាន់តែខ្លាំង​នៃ​វីរុស​កូរ៉ូ​ណាឬកូវី​ដ​-១៩​។ 

​រដ្ឋាភិបាល​នៅ​បស្ចិមប្រទេស​បាន​ប្រញាប់ប្រញាល់​ណែនាំ​ពី​វិធានការ​ទប់ស្កាត់ ជាមួយ​ការភ័យខ្លាច​ចំពោះ​ការធ្លាក់ចុះ​សេដ្ឋកិច្ច ដែល​កំពុង​វាយលុក​ទីផ្សារ​ហិរញ្ញវត្ថុ​ពិភពលោក​។ ចំនួន​ករណី​នៅក្នុង​បណ្ដា​ប្រទេស​ផ្សេងៗ​ទៀត​ក្នុង​ពិភពលោក ឆាប់ៗ​ខាងមុខ​អាច​នឹង​កើនឡើង​លើស​ករណី​សរុប​នៅក្នុង​ប្រទេស​ចិន​។ គណៈកម្មាធិការ​សុខាភិបាល​ជាតិចិន​បាន​និយាយថា ករណី​ឆ្លង​សកម្ម​នៃ​វីរុស​កូរ៉ូ​ណាឬកូវី​ដ​-១៩​មាន​ចំនួន​១០,៧៣៤​ករណី​ប៉ុណ្ណោះ​គិត​ត្រឹម​ថ្ងៃ​សៅរ៍​សប្ដាហ៍​មុន ដោយមាន​ករណី​ថ្មី​តែ​២០​ករណី​ទេ​ក្នុង​មួយថ្ងៃ​សៅរ៍​នោះ ខណៈ​អ្នក​ចេញពី​មន្ទីរពេទ្យ​វិញ​មាន​ជាង​១​ពាន់​នាក់​រៀងរាល់ថ្ងៃ​។​

​តាមរយៈ​ការឆ្លង​រាលដាល​នៃ​វីរុស​កូរ៉ូណា ប្រទេស​ចិន​បាន​រាយការណ៍​ថា​មាន​អ្នក​ឆ្លង​សរុប​ចំនួន​ជាង​៨​ម៉ឺន​នាក់ ខណៈ​អ្នក​ឆ្លង​ទៅតាម​បណ្ដា​ប្រទេស​នានា​បូក​បញ្ចូល​គ្នា​មាន​ជាង​៧​ម៉ឺន​នាក់​។ នេះ​បើតាម​អង្គការ​សុខភាព​ពិភពលោក​។ បច្ចុប្បន្ន​ចិន​ក៏​កំពុង​ដកចេញ​នូវ​វិធានការ​ទប់ស្កាត់​មួយចំនួន ហើយ​ផ្ដោត​យកចិត្ដទុកដាក់​លើ​ការធ្លាក់ចុះ​ការនាំចូល​វិញ​។ ចំពោះ​ប្រព័ន្ធ​ផ្សព្វផ្សាយ​ចិន​បាន​ផ្លាស់ប្ដូរ​ពី​ការ​ផ្ដោតអារម្មណ៍​នៅ​ក្នុងស្រុក ទៅ​ចាប់អារម្មណ៍​នៅក្រៅ​ស្រុក​វិញ​ម្ដង​។ 

​ទូរទស្សន៍​ចិន​CGTN​បាន​ចុះផ្សាយ​ថា ប្រទេស​មួយចំនួន​មិន​បានដឹង​គ្រប់គ្រាន់​ទេពី​ភាព​ធ្ងន់ធ្ងរ​នៃ​ការ​រាតត្បាត​នេះ ហើយ​កិច្ចខិតខំ​ប្រឹងប្រែង​ជា​សកល​ទប់ស្កាត់​ការឆ្លង​ក៏​ធ្វើ​មិនទាន់បាន​នៅឡើយ​។ ទូរទស្សន៍​ដដែល​បញ្ជាក់ថា ក្រុម​វេជ្ជសាស្ដ្រ​ចិន​បាន​បង្ហោះ​ព័ត៌មាន​ពី​ការធ្វើ​រោគវិនិច្ឆ័យ​និង​ការព្យាបាល​ជា​សកល ប៉ុន្ដែ​ពុំមាន​ការយកចិត្ដទុកដាក់​គ្រប់​គ្រាន់ឡើយ​។ អ្នកជំនាញ​នៃ​មន្ទីរពេទ្យ​ក្នុង​ទីក្រុង​ណាន​ជី​ង លោក​Qiu Haibo​បាន​និយាយថា លោក​មាន​ការព្រួយបារម្ភ​ពី​ប្រទេស​មួយចំនួន ដែល​ប្រទេស​ទាំងនោះ​ប្រហែលជា​ត្រូវ​រៀន​មេរៀន​ពី​ប្រទេស​ចិន​។  មាន​ការរិះគន់​យ៉ាងខ្លាំង​នៅក្នុង​ប្រទេស​ចិន ដូច្នេះ​ការរិះគន់​នេះ​អាចជា​ការត្រៀមខ្លួន​ដ៏​ល្អ​សម្រាប់​បណ្ដា​បស្ចិមប្រទេស​៕

ព័ត៌មានផ្សេងទៀត