យោធា​ថៃ​ដែល​បាញ់សម្លាប់​មនុស្ស​២៧​នាក់ ត្រូវបាន​កម្លាំង​សន្តិសុខ​បាញ់សម្លាប់​

09-02-2020 10:20 am 1452

រដ្ឋមន្ត្រីក្រសួងសុខភាពសាធារណៈលោក Anutin Charnvirakul បញ្ជាក់ថា យោធាដែលបាន​បើក​ការបា​ញ់ប្រហារសម្លាប់មនុស្សនោះ ត្រូវបានកងកម្លាំងស​ន្តិសុខ បាញ់សម្លាប់​នៅក្នុងផ្សា​រទំនើបTerminal 21នៅក្នុងទីក្រុងNakhon Ratchasimaប្រទេសថៃនៅថ្ងៃអាទិត្យនេះ។ យោធានិងប៉ូ​លិសក៏បានប​ញ្ជាក់ដែរថាបានបាញ់សម្លាប់ខ្មាន់កាំភ្លើង នៅម៉ោង៩និង៣០​នាទីព្រឹ​កថ្ងៃទី​៩ខែកុ​ម្ភៈ​​ឆ្នាំ២០​២០នេះ។ ប៉ុន្តែមិនទាន់បញ្ជាក់លម្អិតពីការបិទបញ្ចប់ប្រតិបត្តិការនេះនៅឡើយទេ។ ខ្មាន់កាំភ្លើ​ងត្រូវបានបា​ញ់សម្លាប់ បន្ទាប់ពីត្រូវយោធានិងប៉ូលិស ឡោ​មព័ទ្ធពេ​ញ​មួយយប់​នៅក្នុងផ្សារទំនើប។ ការ​​ស្លាប់របស់ខ្មាន់កាំភ្លើងជារឿងត្រេកអរ ព្រោះវាបិទបញ្ចប់ការភ័យខ្លាចរប​ស់ប្រជាជនដែ​លរស់​នៅ​ក្នុង​​​តំបន់ ប៉ុន្តែការស្លាប់របស់ខ្មាន់កាំភ្លើង បង្កការលំបាកនៅក្នុងការស្វែងរកមូលហេតុពិតប្រាកដ ដែល​ជំរុញ​​ឲ្យមាន​ការបាញ់ប្រហារ។

គួរជម្រាបជូនថា កាលពីម៉ោង៣រសៀលថ្ងៃទី៨ខែកុម្ភៈយោធាឈ្មោះ Jakraphanth Thomma បានបើកការបាញ់ប្រហារទាំ​ងក​ម្រោល លើយោធានិងជនស៊ីវិល​នៅទីក្រុងNakhon Ratchasim​aប្រទេសថៃ​។ បើតាមការចុះផ្សាយទីភ្នាក់ងារសារព័ត៌មានBBCឲ្យដឹងថា ការបាញ់ប្រ​ហារបានចា​ប់ផ្តើ​មនៅម៉ោង​ប្រ​ហែ​ល៣រសៀល។ ដំបូងបានបើកការការបាញ់ប្រ​​ហារនៅក្នុ​​ងជំរុំយោធា​Suatham P​hithak ដោយបានសម្លាប់មេបញ្ជា​ការយោធានិងម្តាយក្មេកមេ​​បញ្ជាការរូបនោះ ព្រម​ទាំង​យោ​​ធាម្នាក់ទៀត មុនលួច​អាវុធក្នុងជំរុំ បន្តទៅបាញ់សម្លាប់មនុស្សនៅតាមផ្លូវ និងនៅ​ក្នុង​ផ្សារTerminal 21។ យោធារូបនោះ ​​បានឃុំខ្លួនឯងនៅក្នុងផ្សារ ហើយប៉ូលិសនិងកងក​ម្លាំងយោធា បាន​​ជម្លៀស​មនុស្ស​ម្នាខ្ទង់រយនាក់ចេញពីក្នុងផ្សារ និងឡោមព័ទ្ធ​ផ្សារ ព្រមទាំងនាំ​ម្តាយ​​ខ្មាន់​កាំភ្លើ​ងទៅកាន់​ផ្សារទំនើប​​​នោះផងដែរ ដើម្បីលួងលោម​បញ្ចុះបញ្ចូលកូនប្រុស ឲ្យយល់ព្រ​​ម​ប្រ​​គល់​ខ្លួន។

សរុបខ្មាន់កាំភ្លើងបានសម្លាប់ម​នុស្ស២៧នាក់និងរបួស៥២នាក់។ នៅក្នុ​ងនោះផងដែរ អ្នករង​បួសមួយចំនួន​កំពុងស្ថិតនៅក្នុងមន្ទីរពេទ្យ ដើម្បីទទួលការព្យាបាល និងមួយចំនួនទៀតត្រូវបាន​អនុញ្ញាតឲ្យត្រឡប់ទៅផ្ទះវិញហើយ។ តែនៅបារម្ភថា ចំនួនអ្នកស្លាប់​អាចនឹង​មានការកើនឡើង ដោយ​សារមនុស្សមួយចំនួនបានរងរបួសធ្ងន់ធ្ងរពេក។

មូលហេតុពិតប្រាកដដែលជំរុញឲ្យមានការបាញ់ប្រហារនេះ មិនទាន់ដឹងនៅឡើយទេ។ ប៉ុន្តែមុនពេល​ធ្វើសកម្មភាព យោធាអាយុ៣២ឆ្នាំរូបនោះ បានបង្ហោះសារលើបណ្តាញសង្គមហ្វេសប៊ុក បង្ហាញពី​ការស​​ងសឹក តែមិនបញ្ជាក់លម្អិតពីការសងសឹកនោះទេ ហើយបង្ហោះរូបកាំភ្លើង ព្រមទាំងបញ្ជាក់ថា ដល់​ពេ​ល​ភ្ញាក់ផ្អើលហើយ គ្មា​ននរណាម្នាក់ចៀសផុតពីសេចក្តីស្លាប់ឡើយ។ ខ្មាន់កាំភ្លើ​ងបានប​ង្ហោះ​សារបន្តបន្ទាប់ច​ន្លោះពេលបាញ់ប្រហារ ពីក​​ន្លែងមួយ​​ទៅក​ន្លែងមួយ ដោយមានខ្លឹម​​សារមួយ​ចំនួន​ថា តើរូប​គេគួរតែចុះចាញ់ឬយ៉ាងណា? យ៉ាងណាក៏​ដោយសារ​ទាំងនោះ ត្រូវបានក្រុមហ៊ុ​នហ្វេសប៊ុក លុ​បចោ​​ល និងដកគេហទំព័​រហ្វេសប៊ុកផ្ទាល់​ខ្លួនរបស់យោ​ធាម្នាក់នោះចេញផងដែរ ដោយប​ញ្ជាក់ថា​​មិនមានកន្លែងនៅលើហ្វេសប៊ុក សម្រាប់មនុស្សដែល​ប្រព្រឹត្តអំ​​ពើឃោរឃៅប្រភេទនេះទេ ហើយក៏​មិនអនុញ្ញាត​​ឲ្យមនុស្សស​រសើរឬគាំទ្រការវាយប្រហារនេះដែរ។

គួរជម្រាបជូនផងដែរថែ ករណីបាញ់ប្រហារយ៉ាងសាហាវបែបនេះ​កម្រកើតមានណាស់​នៅក្នុង​ប្រ​​ទេ​សថៃ​​ លើក​លែងតែ​នៅតំបន់ភាគខាងត្បូងប្រទេស ជាកន្លែងដែលមានអំពើ​ភេរវកម្ម​ដ៏​កាច​សាហាវ ​បង្ក​ឡើ​ង​ដោ​​យ​​ពួកឧទ្ទាមទាមទារ​ផ្តាច់​​​​ទឹកដី​​៕

 ពាក្យគន្លឹះ  ថៃយោធាបាញ់ប្រហារ

ព័ត៌មានផ្សេងទៀត

 AstraZeneca​កំពុងធ្វើការ​​​ជិតស្និទ្ធ​ជាមួយ​ប្រជាជាតិ​អាស៊ីអាគ្នេយ៍​ដើម្បី​ធានា​ការផ្គត់ផ្គង់​វ៉ាក់សាំង​

កូវីដ-១៩៖ថៃស្លាប់កើនដល់៤៣នាក់និងឆ្លងថ្មីចំនួន២.២៩០ករណីក្នុងមួយថ្ងៃ

ឃាត់ខ្លួន​មេខ្យល់​ម្នាក់​និង​ពលករ​១៥​នាក់​ក្រោយ​ឆ្លងដែន​ខុសច្បាប់​ទៅ​ថៃ​

កូវីដ-១៩៖ថៃស្លាប់៣៥នាក់និងឆ្លងថ្មីចំនួន២.៦៨០ករណីក្នុងមួយថ្ងៃ

 ថៃ​ព្រួយបារម្ភ​ពី​អំពើហិង្សា​ដែល​មិនទាន់​បញ្ចប់​នៅ​មី​យ៉ាន់​ម៉ា​

 វិបត្ដិ​នៅ​មី​យ៉ាន់​ម៉ា​បន្ដ​គ្មាន​ដំណោះស្រាយ ខណៈ​យោធា​កាន់​អំណាច​ចូលដល់​ខែ​ទី​៤

 និស្សិតមីយ៉ាន់ម៉ាពហិកាមិនវិលត្រឡប់ទៅសាលារៀនដើម្បីប្រឆាំងរបបយោធា

អគ្គរដ្ឋទូត​អ៊ុយ​ក្រែន​ប្រចាំ​ប្រទេស​ថៃ​បាន​ស្លាប់​ដោយ​ពុំទាន់​ដឹង​មូលហេតុ​ច្បាស់លាស់​

អ្នក​កើតកូ​វីដ​ញៀន​ថ្នាំ​ដែល​វាយ​សម្លាប់​មន្ត្រី​យោធា​បាន​គាំងបេះដូង​ស្លាប់​

ខ្មាន់កាំភ្លើង​បាញ់សម្លាប់​មនុស្ស​៨​នាក់​នៅ​ទីធ្លា​ផ្លូវដែក​មួយ​នៅ​រដ្ឋ​កាលីហ្វ័​រញ៉ា​