ជីវិត និងកម្សាន្ត

តៃវ៉ាន់​​រៀប​អាពាហ៍​ពិពាហ៍​ភេទ​ដូចគ្នា​​ជា​លើកដំបូង​​ក្នុង​ប្រវត្ដិសាស្ដ្រ​

ដោយ៖ vayofm team    24-05-2019 12:58 PM    424

​អាពាហ៍ពិពាហ៍​ភេទ​ដូចគ្នា​ជា​ផ្លូវការ​លើកដំបូង​របស់​តៃវ៉ាន់ បានចាប់ផ្ដើម​នៅ​ថ្ងៃ​សុក្រ​ទី​២៤​ឧសភា​នេះ ហើយក៏​ជា​ពេលវេលា​ដ៏​សំខាន់​សម្រាប់​មនុស្ស​ដែល​ស្រឡាញ់​ភេទ​ដូចគ្នា​។ នេះ​គឺជា​លើកដំបូង​ក្នុង​ប្រវត្ដិសាស្ដ្រ​តៃវ៉ាន់ ហើយ​តៃវ៉ាន់​ក៏​ជា​ដែនដី​ដំបូង​គេ​នៅ​អាស៊ី បានរៀបចំ​អាពាហ៍ពិពាហ៍​ភេទ​ដូចគ្នា​។ លោក​Shane Lin​និង​Marc Yuan ដែល​លង់​ស្រឡាញ់គ្នា​ពេល​នៅ​មហាវិទ្យាល័យ ជា​គូ​ស្វាមី​ទីមួយ​បាន​មកដល់​ការិយាល័យ​រដ្ឋាភិបាល​ក្នុង​ទីក្រុង​តៃប៉ិ​។ ស្លៀក​សម្លៀក​ពាក់​យ៉ាង​សម​សួន បុរស​ទាំងពីរ​បាន​ថើប​គ្នា​បង្ហាញ​ពី​ក្ដី​ស្រឡាញ់ នៅមុខ​ប្រព័ន្ធ​ផ្សព្វផ្សាយ​ដ៏​ធំ​មួយ​មុន​ពួកគេ​ចុះ​សំបុត្រអាពាហ៍ពិពាហ៍​។ សូមបញ្ជាក់ថា អាពាហ៍ពិពាហ៍​នេះ​ធ្វើឡើង​បន្ទាប់ពី​រដ្ឋាភិបាល​តៃវ៉ាន់​កាលពី​សប្ដាហ៍​មុន បានសម្រេច​ទទួលស្គាល់​អាពាហ៍ពិពាហ៍​ភេទ​ដូចគ្នា​ជា​រឿង​ស្របច្បាប់​៕