បើកឆាក​​Champions League Juventus​​ឈ្នះ​​Valencia​​តែ​​Ronaldo​​ត្រូវ​ពិន័យ​កាត​ក្រហម​

ដោយ៖ ពេញ ផេង 20-09-2018 11:27 am 890
រូបភាព​កីឡាករ​Ronaldo​ក្រោយ​ត្រូវ​ពិន័យ​កាតក្រហម

​ដ្បិតថា​ក្រុម​សេះ​បង្កង់​Juventus អាច​យកឈ្នះ​ក្រុម​Valencia២-០​កាលពី​យប់មិញ ក្នុង​ការប្រកួត​បើកឆាក​Champions League ប៉ុន្ដែ​ក្រុម​នេះ​ជួប​រឿង​ស៊យ​មួយ​។ ជួប​រឿង​ស៊យ​ដោយសារ​កីឡាករ​ចំណូល​ថ្មី​របស់ខ្លួន​Cristiano Ronaldo ត្រូវ​អាជ្ញាកណ្ដាល​ពិន័យ​កាត​ក្រហម​ក្រោយ​ចូល​លេង​មិនទាន់​ចប់​តង់​ទីមួយ​ផង​។

​នេះ​គឺជា​កាត​ក្រហម​លើកដំបូង​នៅ​Champions League ក្នុង​អាជីព​របស់ខ្លួន ដែល Ronaldo​បង្ហាញ​អារម្មណ៍​មិន​សប្បាយចិត្ដ និង​សោកស្ដាយ​យ៉ាងខ្លាំង​ក្នុង​ការប្រកួត​យប់មិញ​។ Ronaldo​ត្រូវ​អាជ្ញាកណ្ដាល​ពិន័យ​កាត​ក្រហម ដោយសារ​គេ​មាន​បំហុស​ជាមួយ​ខ្សែកា​រពាររប​ស់​Valencia ហើយ​រូបភាព​ថត​បានឃើញ​Ronaldo​ទាញ​សក់​ខ្សែការពារ​Valencia​។ អ្នកគាំទ្រ​បានទាមទារ​ឲ្យមាន​ការបកស្រាយ​ហេតុផល ក្រោយ​ការសម្រេច​របស់​អាជ្ញាកណ្ដាល​។​

​យ៉ាងណាមិញ​ចំពោះ​ករណីនេះ អតីត​អាជ្ញាកណ្ដាល​ជនជាតិ​អេ​ស្ប៉ាញ​លោក​Eduardo Iturralde González បាន​បកស្រាយ​ថា ដោយសារ​Ronaldo​ទៅ​ទាត់​កីឡាករ​Valencia មិនមែន​ដោយសារ​ការ​ទាញ​សក់​ឡើយ​។ ចំពោះ​ការពិន័យ​កាត​ក្រហម​នេះ Ronaldo​នឹងត្រូវ​អ​វត្ដ​មាននៅ​ប្រកួត​ក្រោយ​មួយ​ប្រកួត តែបើ​រកឃើញថា​មាន​កំហុស​ធ្ងន់ធ្ងរ រូបគេ​នឹងត្រូវ​ពិន័យ​ថែម​១​ឬ​២​ប្រកួត​ទៀត​៕

សូមទស្សនាវីដេអូ៖

ព័ត៌មានផ្សេងទៀត