រក​ឃើញ​​៤​​ក្រុម​​ឡើង​​វគ្គ​​ពាក់កណ្ដាល​​ផ្ដាច់​ព្រ័ត្រ​​ក្នុង​​ព្រឹត្តិការណ៍​​FIFA​ ​World​ ​Cup

ដោយ៖ ធុច ធារ៉ា 08-07-2018 10:02 am 1544

ក្រោយ​ម៉ោង​បន្ថែម​១៥​នាទី​២​ដង​កាលពី​យប់មិញ ក្រុមបាល់ទាត់​ជម្រើសជាតិ​ក្រូ​អាត ដែលជា​ក្រុម​ឡើង​ជើង​ថ្មី បាន​ទម្លាក់​ម្ចាស់ផ្ទះ​រុស្ស៊ី​ដោយ​គ្រាប់​បាល់​ប៉េណាល់​ទី​១១​ម៉ែត្រ​កាត់សេចក្តី ក្នុង​លទ្ធផល​៤-៣ បាន​ឡើងទៅ​ប៉ះ​អង់គ្លេស នៅ​វគ្គ​ពាក់កណ្តាល​ផ្តាច់ព្រ័ត្រ​។ ជាមួយគ្នានេះ ក្រុមបាល់ទាត់​ជម្រើសជាតិ​អង់គ្លេស បាន​បំបាក់​ក្រុម​ជម្រើសជាតិ​ស៊ុយ​អ៊ែត ក្នុង​លទ្ធផល​២-០ ផងដែរ​។  

​ការប្រកួត​ក្នុង​វគ្គ​៨​ក្រុម​ចុងក្រោយ​ត្រូវ​បានបញ្ចប់​ជា​ផ្លូវការ ដោយ​បារាំង​ឡើងទៅ​ប៉ះ​ប៊ែលហ្ស៊ិក ខណ​:​អង់គ្លេស ត្រូវ​ស្វាគមន៍​ក្រុម​ជម្រើសជាតិ​ក្រូ​អាត​។​

​សូមបញ្ជាក់ថា ក្រោយ​លទ្ធផល​ជម្រុះ​វគ្គ​៨​ក្រុម​នេះ​បញ្ចប់ទៅ ក្រុម​ជើង​ខ្លាំង​ទាំង​៤​ប្រទេស មាន​បារាំង ប៊ែលហ្ស៊ិក អង់គ្លេស និង​ក្រូ​អាត នឹង​ដឹក​ដៃ​គ្នា​ទៅ​អង្រួន​ពហុ​កីឡដ្ឋាន​ក្នុងប្រទេស​រុស្ស៊ី​នៅ​វគ្គ​ពាក់កណ្តាល​ផ្តាច់ព្រ័ត្រ ដែល​នឹង​ធ្វើឡើង​នៅ​ថ្ងៃទី​១១-១២ ខែកក្កដា ឆ្នាំ​២០១៨  FIFA World Cup លើក​ទី​២១៕


ព័ត៌មានផ្សេងទៀត