តុលាការ​បើកសវនាកា​រ​ជំនុំជម្រះ​សំណុំរឿង​ក្តី​មេសហ​ជីព​ធំៗ​៦​រូប​

07-12-2018 9:56 am

​តុលាការក្រុង​ភ្នំពេញ នៅ​ព្រឹក​ថ្ងៃទី​០៧ ខែ​ធ្នូ​នេះ បើក​សវន​ការ ជំនុំជម្រះ​លើ​សំណុំរឿង​មេ​សហជីព​ធំៗ ចំនួន​០៦​រូប រួមមាន លោក អាត់ ធន់​, លោក ម៉ម ញឹម​, លោក ប៉ាវ ស៊ីណា​, លោក ជា មុនី​, លោក រ៉ុង ឈុន និង​លោកស្រី យ៉ាង សោភ័ណ្ឌ​។​

​មេ​សហជីព​ទាំងនេះ ត្រូវបាន​ចោទប្រកាន់ ពាក់ព័ន្ធ​នឹង​ការប្រព្រឹត្ត​ហិង្សា​ដោយ​ចេតនា​មាន​សន្ថាន​ទម្ងន់ទោស​, បទ​ធ្វើឲ្យ​ខូចខាត ដោយ​ចេតនា​មាន​ស្ថាន​ទម្ងន់ទោស​, បទ​គំរាមកំហែង​ថា នឹង​ធ្វើឲ្យ​ខូចខា​តដែល​ភ្ជាប់​នូវ​បញ្ហា​អ្វីមួយ និង​បទ​ប្រើ​មធ្យោបាយ ដើម្បី​ជា​ឧបសគ្គ​ដល់​ចរាចរណ៍​សាធារណៈ ដែល​ប្រព្រឹត្ត​នៅ​ចំណុច​មុខ សួន​ឧស្សាហកម្ម​កាណាឌី​យ៉ាល់ ផ្លូវ​វ៉េងស្រេង កាលពី​អំឡុង​ថ្ងៃទី​២៥ ខែ​ធ្នូ ឆ្នាំ​២០១៣ រហូត​ដល់​ថ្ងៃ​ទី​១៣ ខែ​មករា ឆ្នាំ​២០១៤​។​

​សូមជម្រាបថា កាលពី​ពេល​ថ្មីៗ​នេះ លោកនាយក​រដ្ឋមន្ត្រី​ហ៊ុន សែន បាន​ស្នើ​ឲ្យ​ក្រសួង​ពាក់ព័ន្ធ បញ្ចប់រឿង​ក្ដីក្ដាំ​សហជីព​ទាំងអស់ នៅ​តុលាការ ត្រឹម​ឆ្នាំ​២០១៨ ក្នុងនោះ​លោកនាយក​រដ្ឋមន្ត្រី ក៏​បាន​ជំរុញ​ដល់​មេ​សហជីព​ទាំងអស់ ដែល​កំពុង​មាន​ក្តីក្តាំ​នៅ​តុលាការ ត្រូវ​បញ្ជូន​សំណើរ​ដោះស្រាយ​បញ្ហា ទៅ​កាន់​រដ្ឋមន្ត្រី​ក្រសួង​ការងារ និង​បណ្ដុះបណ្ដាល​វិជ្ជាជីវៈ​ផងដែរ​៕

ព័ត៌មានផ្សេងទៀត