អាមេរិក​ជំរុញ​ឲ្យ​គុយបាដោះលែង​អ្នកប្រឆាំងដែល​ធ្វើ​កូដកម្ម​បង្អត់អាហារ​ខ្លួនឯង​ក្នុង​គុក​

05-10-2018 12:21 pm
ទង់ជាតិរបស់អាមេរិក

​អាមេរិក​ជំរុញ​ឲ្យ​គុយបា ដោះលែង​អ្នកប្រឆាំង​ដ៏​លេចធ្លោ​មួយរូប​គឺ​លោក Tomas Nunez Magdariaga សមាជិក​នៃ​សហភាព​ស្នេហា​ជាតិ​នៃ​ប្រទេស​គុយបា (UNPACU )​ឲ្យមាន​សេរីភាព​។ ការជំរុញ​នេះ ធ្វើឡើង​ដោយសារ​អាមេរិក​មានកា​រ​ព្រួយបារម្ភ​យ៉ាងខ្លាំង ពី​ស្ថានភាព​សុខភាព​របស់លោក Tomas Nunez Magdariaga ព្រោះ​លោក​បានធ្វើ​កូដកម្ម​បង្អត់អាហារ​ខ្លួនឯង ក្នុង​ពន្ធនាគារ អស់​រយៈពេល​ជាង​៥០​ថ្ងៃ​មកហើយ​។ លោក Tomas Nunez Magdariaga ធ្វើ​កូដកម្ម​បង្អត់អាហារ ដើម្បី​ប្រឆាំង​តវ៉ា​ទៅនឹង​ការចាប់​ឃុំខ្លួន​លោក​ក្នុង​ពន្ធនាគារ​ដោយ​អយុត្តិធម៌​។ ទន្ទឹមនឹងនោះ អាជ្ញាធរ មិន​អនុញ្ញាតឲ្យ​សមាជិកគ្រួសា​រ​លោក Tomas Nunez Magdariaga ចូល​សួរសុខទុក្ខ​នោះឡើយ​។​

​ពាក់ព័ន្ធ​នឹង​ការអំពាវនាវ​របស់​អា​មេរិក​នេះ មិនទាន់មាន​ការឆ្លើយ​តប​ពី​គុយបា​នៅឡើយ​ទេ​នៅពេលនេះ​។​

​សូមបញ្ជាក់ថា​លោក​Tomas Nunez Magdariaga ត្រូវបាន​ផ្តន្ទាទោស​ឲ្យ​ជាប់ពន្ធនាគារ​១​ឆ្នាំ ពីបទ​បង្ក​ការគំរាមកំហែង​ដល់​ភ្នាក់ងារ​សន្តិសុខ​។ តែ​សាមី​ខ្លួន​និង​អាមេរិក​មិនឲ្យ​តម្លៃលើ​ការកាត់ក្តី​រប​ស់​តុលាការ​នោះទេ​៕

ព័ត៌មានផ្សេងទៀត