ការប្រៀបធៀប​គោលនយោបាយ​បក្ស​បែប​បណ្តុះបង្អាប់ និង​ការទិតៀន​បែប​ស្ថាបនា​

12-07-2018 4:11 pm 467
  ស្តាប់
ស្តាប់ជាសំឡេង

​គ​.​ជ​.​ប បាន​ហាមប្រាម​មិន​អោយ​គណបក្ស​នយោបាយ​ធ្វើការ​ឃោសនា​រិះគន់​វាយប្រហារ ឬ​ប្រៀបធៀប​គោលនយោបាយ​បក្ស របស់ខ្លួន និង​បក្ស​ដទៃ​នោះទេ តែ​គណបក្ស​ប្រជាធិបតេយ្យ​មូលដ្ឋានថា ជា​ការបំបិទ​សិទ្ធ​ទទួលបាន​ព័ត៌មាន​របស់​ពលរដ្ឋ ជុំវិញ​ការបោះឆ្នោត​។​

ការ​ហាម​មិនអោយ ប្រៀបធៀប​គោលនយោបាយ​បក្ស វា​ដូចជា​បំបិទ​សិទ្ធ​ទទួល​ព័ត៌មាន របស់​ប្រជាពលរដ្ឋ ជុំវិញ​ការបោះឆ្នោត​ជ្រើសរើស យក​តំណាង​ដែល​ពួកគេ​ពេញចិត្ត​។ ​នេះ​ជា​ការលើកឡើង​របស់​លោក ​សាម អ៊ី​ន អ្នកនាំពាក្យ គណបក្ស​ប្រជាធិបតេយ្យ​មូលដ្ឋាន...

​សំឡេង​លោក សាម អ៊ី​ន​៖

​ដោយឡែក​លោក ព្រាប កុល​ នាយក​ប្រតិបត្តិ​នៃ​អង្គការ​តម្លាភាព​កម្ពុជា បាន​អះអាង​ដែរ​ថា ការហាម​រិះគន់ ឬ​ប្រៀបធៀប​គោល​នយោបាយ​គណបក្ស ជា​ទម្រង់​ប្រជាធិបតេយ្យ​បែប​អ្វី​នោះទេ ព្រោះ ការរិះគន់ និង​ការប្រៀបធៀប​គោលនយោបាយ គឺជា​ធាតុ​១​ដែល​មិន​អាច​ខ្វះ​បាន​នៃ​ដំណើរការ​ប្រជាធិបតេយ្យ​ពិតប្រាកដ​។

​ជា​ការឆ្លើយតប លោក​ហង្ស ពុទ្ធា អ្នកនាំពាក្យ គ​.​ជ​.​ប បាន​ប្រាប់​វិទ្យុ​វាយោ​ថា ជា​គោល​ការ​គ​.​ជ​.​ប មិន​តម្រូវអោយ​មាន​ការប្រៀបធៀប​បែប​បណ្តុះបង្អាប់ រឺ​រិះគន់​ដោយ​ចេតនា ដែល​ប៉ះពាល់ ដល់​គណបក្ស​ដទៃ​នោះ​ទេ​។ ប៉ុន្តែ​បើ​ការទិតៀន​បែប​ស្ថាបនា ដែល​អាច​អោយ​គណបក្ស នោះ​ទទួលយក បាន នោះ​មិនមែន​ជា​បញ្ហា​ទេ …

​សំឡេង​លោក ហង្ស ពុទ្ធា​៖

​គួរ​បញ្ជាក់​ផង​ដែរ រយៈពេល​៦​ថ្ងៃ នៃ​ដំណើរការ​ឃោសនា​បោះឆ្នោត​កន្លង​នេះ មាន​គណបក្សនយោបាយ​មួយចំនួន បាន​ធ្វើ​ការរិះគន់​ចំៗ និង​មាន​ការប្រៀបធៀប​គោលនយោបាយ​បក្ស​ខ្លួន​ជាមួយ និង​គណបក្ស​ដ៏​ទៃ​ទៀត ដែល​ទង្វើ​ទាំង​អស់​ធ្លាប់​ត្រូវបាន​ហាមប្រាម​ដោយ គ​.​ជ​.​ប ។​

ព័ត៌មានផ្សេងទៀត