ក្រុមប្រឹក្សា​សេដ្ឋកិច្ច​កម្ពុជា​ផ្ញើ​សារ​រំលែក​ទុក្ខ​ប្រជាជន​ជប៉ុន​ដែល​រងគ្រោះ​ដោយ​ទឹកជំនន់​

12-07-2018 1:09 pm 433

​លោក គាត ឈ​ន់  អតីត​រដ្ឋ​មន្ត្រី​ក្រសួង​សេដ្ឋកិច្ច និង​ហិរញ្ញវត្ថុ និង​ជា​ប្រធាន​ឧត្តម​ក្រុមប្រឹក្សា​សេដ្ឋកិច្ចជាតិ បាន​ផ្ញើ​លិខិត​ចូលរួម​រំលែក​ទុក្ខ​មួយច្បាប់​ទៅ​លោក Hidehisa HORINOUCHI ឯកអគ្គរដ្ឋទូត​ជប៉ុន​ប្រចាំ​កម្ពុជា ចំពោះ​ករណី​គ្រោះទឹកជំនន់ នៅ​ខេត្ត​ភាគ​ខាងលិច​នៃ​ប្រទេស​ជប៉ុន  ដែល​បណ្តាលឱ្ម​នុស្ស​ស្លាប់ និង​បាត់​ខ្លួន ព្រមទាំង​បាន​បំផ្លាញ​ទ្រព្យសម្បត្តិ​ហេដ្ឋារចនាសម្ព័ន្ធ​យ៉ាងច្រើន ។​

​បើ​តាម​ការ​ឱ្យ​ដឹង​ពី​អាជ្ញាធរ​ជប៉ុន រហូតមកដល់​ពេលនេះ ចំនួន​មនុស្ស​ស្លាប់​ដោយសា​គ្រោះទឹកជំនន់​នៅ​ប្រទេស​ជប៉ុន​កើន​ដល់ ១៩៩​នាក់​ហើយ  ខណៈ​មនុស្ស​៥៦​នាក់ ទៀត​ត្រូវបាន​គេ​ជឿជាក់ថា ជាប់​ក្រោម​ល្បាប់​ដី​ភក់ និង​គំនរ​អគារ ដែល​បាក់បែក​។ ជាមួយគ្នា​នេះ​ផ្ទះ​ចំនួន​១១,២០០​ខ្នង​គ្មាន​អគ្គីសនី​ប្រើប្រាស់ និង ៣០០,០០០​ខ្នង​ទៀត​គ្មាន​ទឹកស្អាត​ប្រើប្រាស់​នៅក្នុង​ខេត្ត​ចំនួន​១២​។ 

​កាល​ពី​ម្សិលមិញ​ប្រមុខ​រដ្ឋាភិបាល​កម្ពុជា​លោកនាយក​រដ្ឋមន្ត្រី​ហ៊ុន សែន ក៏​បាន​ផ្ញើ​សារលិខិត​រំលែក​ទុក្ខ​មួយ​ច្បាប់​ដាច់ដោយឡែក​ទៅកាន់​នាយក​រដ្ឋន្ត្រីជ​ប៉ុន​ផងដែរ ជុំវិញ​ករណី​ទឹកជំនន់​នេះ​៕

ព័ត៌មានផ្សេងទៀត