ស្លាប់​៦​របួស​២៧​នាក់​ក្នុង​ហេតុការណ៍​គ្រោះថ្នាក់​ចរាចរណ៍​ថ្ងៃទី​១៣មេសា

14-04-2018 8:37 am 690

​យ៉ាងហោចណាស់ មនុស្ស​ស្លាប់​៦​នាក់ ស្រី​២​នាក់​, របួសធ្ងន់​១៨​នាក់ ស្រី​២​នាក់​, របួសស្រាល​៩​នាក់ ស្រី​៦​នាក់ និង​មិន​ពាក់​មួកសុវត្ថិភាព​ពេល​គ្រោះថ្នាក់​១០​នាក់ ក្នុង​ហេតុការណ៍​គ្រោះថ្នាក់​ចរាចរណ៍​ទូទាំង​ប្រទេស ចំនួន​១៥​លើក នៅ​ថ្ងៃ​ទី​១៣ ខែ​មេសា ។ នេះ​បើ​តាម​របាយការណ៍​ពី​នាយកដ្ឋាន​ចរាច​រណ៍ និង​សណ្តាប់ធ្នាប់​សាធារណៈ​នៃ​អគ្គស្នងការដ្ឋាន​នគរ​បាល​ជាតិ ។​

​របាយការណ៍​ដដែល​បញ្ជាក់ថា គ្រោះថ្នាក់​ចរាចរណ៍​ទាំង​១៥​លើក​នេះ កើតឡើង​ដោយសារ ការបើកបរ​ល្បឿន​លឿន ៤​លើក​, ប្រជែង ៣​លើក (​ស្លាប់​២​នាក់​), មិន​ប្រកាន់​ស្តាំ ៣​លើក (​ស្លាប់​១​នាក់​), បត់​គ្រោះថ្នាក់ ២​លើក (​ស្លាប់​១​នាក់​), ស្រវឹង ១​លើក (​ស្លាប់​១​នាក់​) និង​មិន​គោរព​សិទ្ធិ ២​លើក (​ស្លាប់​១​នាក់​) ។​

​ក្នុងករណី​គ្រោះថ្នាក់​ចរាចរណ៍​ទាំង​១៥​លើក បាន​បង្ក​ឱ្យមាន​ការខូចខាត​យានយន្ត​សរុប ២៧​គ្រឿង ក្នុងនោះ​មាន​ម៉ូតូ ២០​គ្រឿង​, រថយន្ត​ធុន​តូច ៦​គ្រឿង និង​រថយន្ត​ធំ ១​គ្រឿង ៕ (​ដោយ​៖ គង់ ឧត្តម​)

ព័ត៌មានផ្សេងទៀត