វិធី​ការពារ​ខ្លួន​​ងាយៗ​​អាច​សង្គ្រោះ​​ជីវិត​អ្នក​​បាន​​ពេល​​មាន​អាសន្ន​

ដោយ៖ ពេញ ផេង 13-10-2017 3:31 pm 411
រូបភាព​បង្ហាញ​ពីការរំដោះខ្លួន​ចេញពីរ​ថយន្ដ​ពេលធ្លាក់ក្នុងទឹក

​មនុស្ស​គ្រប់រូប​មិន​ចង់​ជួប​គ្រោះថ្នាក់​ឡើយ ហើយ​ពេល​ធ្វើដំណើរ​តែងតែ​ស្វែងរក​កន្លែង​មាន​សុវត្ថិភាព​បំផុត​សម្រាប់​ខ្លួនឯង​។​ប៉ុន្ដែ​យ៉ាងណាក៏ដោយ ហានិភ័យ​នៅតែ​កើតឡើង​ដោយ​មិនដឹង​មុន​។​ដូច្នេះ​យើង​សូម​បង្ហាញ​គន្លឹះ​ការពារ​ខ្លួន​ងាយ អាច​នឹង​ជួយ​ឲ្យ​អ្នករួច​ផុតពី​គ្រោះថ្នាក់​។​

១ កូនសោ ប្រាក់ ទូរស័ព្ទដៃ​


​វត្ថុ​ទាំងបី​នេះ​ពិតជា​សំខាន់​សម្រាប់​អ្នក ហើយ​ជាធម្មតា​អ្នក​តែងតែ​ចេញ​ដោយ​ដាក់​វា​ជាប់​ខ្លួន​ជានិច្ច​។​ហេតុអ្វី​បាន​ជាសំខាន់​?​អ្នកនឹង​អាច​ប្រើ​ទូរស័ព្ទ​ស្វែងរក​ជំនួយ​ពេល​ជួប​បញ្ហា ហើយ​ទូរស័ព្ទដៃ​អ្នក​ក៏​អាច​សង្គ្រោះ​ជីវិត​អ្នកដទៃ​បានដែរ​។​

២ ត្រូវតែ​ស្វែងរក​ច្រកចេញ​យ៉ាងហោចណាស់​ឲ្យបាន​បី​


​នៅពេល​អ្នកធ្វើដំណើរ​ទៅ​កន្លែង​ណាមួយ ទៅ​រោងភាពយន្ដ សណ្ឋាគារ កន្លែង​ប្រគុំ​តន្ដ្រី ស្ថានីយ​រថភ្លើង ឬក៏​សាលារៀន ត្រូវ​ប្រាកដថា​អ្នក​រកឃើញ​ច្រកចេញ​ពេល​មាន​អាសន្នឲ្យ​បាន​បី​។​ហេតុអ្វី​វា​ជា​រឿង​សំខាន់​?​ប្រសិនបើ​មានរឿង​មិនល្អ​កើតឡើង អ្នក​អាច​នឹង​យឺត​ពេល​ដោយនៅ​ស្វែងរក​ច្រកចេញ​បន្ទាន់​។​ប៉ុន្ដែ​បើ​អ្នកដឹង​មុន​ហើយ​នោះ អ្នក​អាច​ជម្លៀស​ខ្លួន​បាន​យ៉ាង​លឿន​។​

៣ ត្រូវ​មើល​គ្រប់​មនុស្ស​ដែល​ធ្វើដំណើរ​ជាមួយ​អ្នក​


​បើសិនជា​ស្ដ្រីភេទ​ពិតជា​មាន​ហានិភ័យ​ខ្ពស់ជាង​បុរស នៅពេល​ធ្វើដំណើរ​តាម​រថយន្ដក្រុង រថភ្លើង និង​មធ្យោបាយ​ផ្សេងៗ​ទៀត​។​អ្នក​ត្រូវ​លួច​សម្លឹងមើល​អ្នករួមដំណើ​រ​ជាមួយ​អ្នក ពិសេស​មនុស្ស​ប្រុស​តែម្ដង មើលថា​ពួកគេ​ជា​មនុស្ស​គួរឲ្យខ្លាច គួរឲ្យ​ស្អប់ ឬ​គួរឲ្យ​គោរព​។​ហេតុនេះ​នៅពេល​មានរឿង​មិនល្អ​កើតឡើង អ្នក​ងាយស្រួល​ក្នុងការ​គេចខ្លួន​ពី​ពួកគេ​។​

៤ នៅលើ​យន្ដហោះ​ត្រូវ​រាប់ចំ​ណាំ​ពី​កៅអី​អ្នក​អង្គុយ​ទៅ​ច្រកចេញ​បន្ទាន់​


​ធ្វើដំណើរ​តាម​យន្ដហោះ អ្នក​ត្រូវ​រកមើល​ច្រកចេញ​បន្ទាន់ ហើយ​ចំណាំ​ថា​វា​នៅ​ចម្ងាយ​ប៉ុន្មាន​ជួរ​ពី​កៅអី​របស់​អ្នក​។​ធ្វើបែបនេះ នៅពេល​មាន​អាសន្ន​កើតឡើង ហើយ​អ្នក​ចាំ​ជួរ​ដែល​ច្រកចេញ​បន្ទាន់​ស្ថិតនៅ​ច្បាស់ អ្នកនឹង​អាច​ទៅរក​ច្រក​នោះបាន​លឿន​។​

៥ ពង្រឹង​កដៃ​របស់​អ្នក​


​ត្រូវ​ធ្វើយ៉ាងណា​ហ្វឹកហាត់​កដៃ​តាម​ដែល​អាច​ធ្វើបាន ដើម្បី​កុំឲ្យ​ឆាប់​អស់​កម្លាំងលឿន​ពេក​។​ធ្វើ​លំ​ហាត់​កដៃ​ជា​រៀងរាល់ថ្ងៃ ដោយមាន​ជំនួយ​ពី​ការ​ក្ដាប់​ដៃ​។​ចាំបាច់​អ្វី​ត្រូវ​ធ្វើបែបនេះ​?​អាចមាន​កាលៈទេសៈ​អាសន្ន​ណាមួយ ដែល​អ្នក​ត្រូវ​ប្រើ​កដៃ​ដើម្បី​ទប់​ទល់នឹង​លំនឹង ដូច្នេះ​បើ​ដៃ​របស់​អ្នក​ក្ដោប​រឹង​និង​មាន​កម្លាំង​ខ្លាំង វា​អាចជួយ​អ្នក​ចៀស​ពី​គ្រោះថ្នាក់​បាន​។​

៦ ងើប​ក្បាល​របស់​អ្នក​ឡើង ហើយ​ធ្វើដំណើរ​យឺតៗ


​ជាធម្មតា​មនុស្ស​តែង​ឱនក្បាល​ចុះ​បន្ដិច ហើយ​ដើរ​យ៉ាង​លឿន​នៅពេល​គេ​ដឹងថា​អាច​នឹងមាន​គ្រោះថ្នាក់​អ្វីមួយ​កើតឡើង​។​ប៉ុន្ដែ​យ៉ាងណាមិញ​អ្នក​គួរតែ​ធ្វើ​ផ្ទុយ​ពីនេះ​។​ត្រូវ​បង្កើន​ទំនុកចិត្ដ ងើបក្បាលឡើង ក្រឡេកមើល​ជុំវិញខ្លួន ហើយ​ធ្វើដំណើរ​យឺតៗ​។​នៅពេល​អ្នក​តក់ស្លុត​ពេក អ្នក​ប្រៀបដូចជា​សត្វ​ស្លាប​អ៊ីចឹង ដូច្នេះ​ត្រូវ​ពង្រឹង​ស្មារតី ពិនិត្យមើល​ឲ្យ​គ្រប់​ជ្រុងជ្រោយ​។​

៧ គេច​ចេញពី​រថយន្ដ​លិច​ក្នុង​ទឹក​


​ដើម្បី​គេច​ចេញពី​រថយន្ដ​លិច​ក្នុង​ទឹកបាន ពិតជា​សំខាន់​ណាស់​ដែល​ត្រូវ​ដោះ​ខ្សែក្រវាត់​សុវត្ថិភាព​ចេញ​។​មួយទៀត​ជំនួស​ឲ្យ​ការបើកទ្វារ អ្នក​អាច​បើ​កញ្ចក់​ឡាន​។​បើសិន​រថយន្ដ​អ្នក​លិច​ក្នុង​ទឹក ត្រូវ​ប្រើ​វត្ថុ​ដែល​អាច​បំបែក​កញ្ចក់​ឡាន​បាន ដូចជា​ក្បាល​កៅអី​ឡាន​ដែល​អាច​ដក​បាន​ជាដើម​។​ធ្វើបែបនេះ​ដើម្បី​អាចឲ្យ​អ្នក​គេចខ្លួនបាន​លឿន មិន​ចំណាយពេល​ច្រើន​ក្នុងការ​ទប់​ទល់នឹង​សម្ពាធ​ទឹក​៕

ព័ត៌មានផ្សេងទៀត