ពេល​រថយន្ត​​លិច​ទឹក​​ហើយ​រលត់​ ហាម​ដាច់ខាត​​កុំ​បញ្ឆេះ​​វិញ​​ឲ្យសោះ​​ ព្រោះ​អាច​...​

ដោយ៖ Vayofm Teams 12-10-2017 6:11 pm 2959

​ជំនន់​ទឹកភ្លៀង​ក្នុង​រាជធានី​ភ្នំពេញ ប៉ុន្មាន​សប្តាហ៍​កន្លងទៅ​នេះ ដែល​ធ្វើឲ្យ​ផ្លូវ​មួយចំនួន​លិចលង់​យ៉ាងខ្លាំង​ផង​នោះ គេ​សង្កេតឃើញថា រថយន្ត​ជាច្រើន​បាន​រង​ការខូចខាត ដោយសារតែ​បើក​បរទាំង​ក្នុងស្ថានភាព​លិច​ទឹក​។ រថយន្ត​ខ្លះ​ត្រូវ​រលត់​ពេល​កំពុងបើក​កាត់​ទឹក ហើយ​ម្ចាស់​រថយន្ត​ព្យាយាម​បញ្ឆេះ​ឡើងវិញ ប៉ុន្តែ ការធ្វើ​បែបនេះ អ្នកជំនាញ​បច្ចេកទេស​យានយន្ត​ថា អាច​ប៉ះពាល់​ម៉ាស៊ីន​ខ្លាំង ដល់​ថ្នាក់​ត្រូវ​រុះរើ​ម៉ាស៊ីន ឬ​ដូរ​ថ្មី​តែម្តង​។

​លោក​សន មករា អ្នកគ្រប់គ្រង​សេវាកម្ម​នៅ​យានដ្ឋាន MG service center ប្រាប់​វិទ្យុ​វា​យោ ឱ្យដឹងថា មួយរយៈ​នេះ មាន​អតិថិជន​ជាច្រើន​បានមក​យានដ្ឋាន​របស់​លោក បន្ទាប់ពី​រថយន្ត​របស់​ពួកគាត់​បាន​រង​ការខូចខាត​ដោយសារ​ផ្លូវ​មួយចំនួន​បាន​លិច​។ រថយន្ត​ទាំងនោះ ខូចខាត​ភាគច្រើន​នៅត្រង់​សំបុក​អ៊ែរ (​តម្រង​ខ្យល់​ម៉ាស៊ីន​) ព្រោះថា វា​ជា​តំបន់​បឺត​ខ្យល់​ចូល ដូច្នេះ ទឹកនឹង​ចូលដល់​ម៉ាស៊ីន​ធ្វើឲ្យ​រលត់​ភ្លាម​។ នេះ​ជា​ការបញ្ជាក់​ពី​លោក​សន មករា​។

អ្នកជំនាញ​បច្ចេកទេស​យានយន្ត រូបនេះ បាន​ប្រាប់​ពី​វិធី​ការពារ​ម៉ាស៊ីនរថយន្ត​នៅពេល​មាន​បញ្ហា​បើក​ចូល​ទឹក ដូច្នេះ​ថា​៖ «​នៅពេលដែល​យើង​បើក​ចូល​ទឹក ហើយ​ម៉ាស៊ីន​រលត់ ហាមដេរ ហាម​បញ្ឆេះ​វា​ម្តងទៀត នៅពេល​យើង​បញ្ចេះ​វា​ម្តងទៀត ម៉ាស៊ីន​ហ្នឹង​ច្បាស់​ជាមាន​បញ្ហា​ធ្ងន់​ហើយ ដល់​ថ្នាក់​អាច​រើ​ម៉ាស៊ីន ឬក៏​ត្រូវ​ដូរ​ម៉ាស៊ីន​ចេញ​»​។ ត្រង់ចំណុច​នេះ លោក​ឱ្យដឹងថា ដោយសារ​ពេលដែល​ដែក​ម៉ាស៊ីន​កំពុង​ក្តៅ ហើយ​ប៉ះ​ជាមួយ​ទឹក វា​អាចធ្វើឲ្យ​ដំណើរការ​ម៉ាស៊ីនខាង​ក្នុង​ត្រូវវែ​ក​ចេញ ឬ​ប៉ះទង្គិច​គ្នា​។

​ដូច្នេះ លោក​មករា ណែនាំ​ដល់​ម្ចាស់​យ​ន​យន្ត​ទាំងអស់ ដែល​បើកបរ​កាត់ទឹក​ហើយ​រលត់ ហាម​ដាច់​ខា​ច​កុំ​បញ្ចេះ​វិញ​ឲ្យសោះ ហើយ​ការណ៍​ដែល​មិន​ដេរ​បញ្ឆេះ​វិញ លោក​ថា គឺមាន​ភាគរយ​ច្រើន​អាច​ជួសជុល ឬ​ផ្លុំ​សំអាត​ជួយ​ឲ្យ​ម៉ាស៊ីន​ដំណើរការ​ឡើងវិញ​បាន​។​

​ទោះជា​យ៉ាងណា លោក​សន មករា បញ្ជាក់ថា ប្រសិនបើ​លោកអ្នក​ធ្លាប់បាន​បើកបរ​ក្នុងស្ថានភាព​ផ្លូវ​ដែល​លិច អាច​អញ្ជើញ​យក​រថយន្ត​របស់​អ្ន​កមកត្រួតពិនិយ្យ​ដោយ​ឥតគិតថ្លៃ​នៅ​យានដ្ឋា​ន MG ដែល​នឹង​ត្រួតពិនិត្យ​ដូចជា​៖ តម្រង​ខ្យល់​ម៉ាស៊ីន​, ប៊ូ​ស៊ី​, ប្រេង​ម៉ាស៊ីន​, សែ​ប៊ូស៊ី​, បូប៊ីន​, ប្រេង​ប្រអប់លេខ​, ប្រអប់​បញ្ជា​ម៉ាស៊ីន ប្រអប់​បញ្ជា​ផ្សេងៗ​ទៀត និង​គ្រឿង​ក្រោម​។​

​យានដ្ឋាន MG មាន​បទពិសោធន៍ និង​ជំនាញ​ច្បាស់លាស់​ផ្នែក​បច្ចេកទេស​រថយន្ត​ជាមួយ​បច្ចេកវិទ្យា​ចុងក្រោយ​។ ធ្វើការ​ជា​រៀងរាល់ថ្ងៃ​ចាប់ពី​ម៉ោង ៩​ព្រឹក ដល់ ៥៖៣០​ល្ងាច ទីតាំង​នៅតាម​បណ្តោយ​មហាវិថី​សហព័ន្ធរុស្ស៊ី ជិត​ស្ពាន​អាកាស​៧​មករា​។​

ចុច​លើ​link ស្វែងរក​ទីតាំង​៖  http://bit.ly/2qaSB1W
​លេខ​ទូរស័ព្ទ​ទំនាក់ទំនង​៖ 078 777 690

ព័ត៌មានផ្សេងទៀត