ផ្តើម​ពី​ការ​​ជំនះ​​គ្រប់​​ឧបសគ្គ​ យុវតី​ស៊ា​ង​លី​ លីន​ណា​ តស៊ូរ​ហូត​​បាន​​សិក្សា​​នៅ​​មហា​វិទ្យាល័យ​​

09-07-2017 11:14 am

​ជា​កូន​គ្រួសារ​ក្រីក្រ​មកពី​ខេត្ត​កំពង់ចាម យុវតី​ស៊ា​ង​លី លីន​ណា បាន​ចាប់ផ្តើម​រក​ប្រាក់​ជួយ​ផ្គត់ផ្គង់​គ្រួសារ និង​សម្រាប់​បង់ថ្លៃ​សិក្សា​ក្រៅ​ម៉ោង​បន្ថែម តាំងពី​អាយុ​១០​ឆ្នាំ​។ រូបគេ​ត្រូវ​ក្រោក​ពី​ព្រលឹម​ស្រាង​ៗ ឡើង​បេះ​ស្លឹក​អំពិល បេះ​ផ្កាកំប្លោក ដើម្បី​យកទៅ​លក់​នៅ​ផ្សារ​មុន​ទៅ​សាលារៀន​។ ក្រោយមក ឪពុក​ម្តាយ​របស់​លីន​ណា​បាន​លែងលះគ្នា ហើយ​រូបគេ​ក៏​បាន​ទៅ​រស់នៅ​ក្នុង​មជ្ឈមណ្ឌល​កុមារ​​កំព្រា​។ ដោយ​ការខិតខំ​ប្រឹងប្រែង និង​ស្រលាញ់​ការសិក្សា​ខ្លាំង យុវតី​រូបនេះ តស៊ូរ​ហូត​បាន​សិក្សា​នៅ​មហាវិទ្យាល័យ និង​ទទួលបាន​អាហារូបករណ៍​ទៅ​សិក្សា​នៅ​សាធារណៈរដ្ឋ​កូរ៉េ​ផងដែរ​។ បច្ចុប្បន្ន លីន​ណា​កំពុង​សិក្សា​នៅ​មហាវិទ្យាល័យ​មួយ​នៅ​រាជធានី​ភ្នំពេញ ជំនាញ​ទំនាក់ទំនង​អន្តរជាតិ និង​ច្បាប់​ជា​ភាសា​អង់គ្លេស​។ ចង់​ជ្រាប​កាន់តែ​ច្បាស់​ពី​ជីវប្រវត្តិ​របស់​យុវតី​រូបនេះ ហើយ​ថា​តើ​ការតស៊ូ​របស់​គេ​ទទួលបាន​ផ្លែផ្កា​យ៉ាងណា​? សូម​ស្តាប់​បទសម្ភាសន៍​នៅក្នុង​នាទី​យុវជន​ប្រចាំ​សប្តាហ៍ ដែល​មាន​សប្តាហ៍​រវាង​អឿន ភា​រ៉ា ជាមួយ​យុវតី​ស៊ា​ង​លី លីន​ណា ដូចតទៅ​៖

​សំឡេង​៖

ព័ត៌មានផ្សេងទៀត