ព័ត៌មានអន្តរជាតិ  |  សន្តិសុខ

ស្លាប់​ជាង​៧០​នាក់​​ដោយសារ​​ការ​បំផ្ទុះ​គ្រាប់បែក​​នៅ​ប៉ា​គី​ស្ថាន​

17-02-2017 9:44 am
 ចំនួនទស្សនា 1991
ទិដ្ឋភាព​នៅកន្លែង​កើតហេតុ

​ចំនួន​អ្នក​ស្លាប់​ដោយសារ​ការ​បំផ្ទុះ​គ្រាប់បែក​អត្ដ​ឃាត​នៅ​ទីសក្ការៈ​មួយកន្លែង​ក្នុង​ប្រទេស​ប៉ា​គី​ស្ថាន បាន​កើនឡើង​ដល់​ជាង​៧០​នាក់​ហើយ​។​នេះ​បើ​តាម​ការបញ្ជាក់​ពី​ប៉ូលិស​ក្នុង​តំបន់​។​ក្រៅពី​អ្នកស្លាប់​មាន​អ្នក​រងរបួស​ប្រមាណ​ជាង​២០០​នាក់​ផ្សេង​ទៀត​។​តាម​ប្រធាន​ក្រុម​ជួយសង្គ្រោះ​ចុះ​អន្ដរាគមន៍​នៅ​កន្លែងកើតហេតុ ហេតុការណ៍​បំផ្ទុះ​គ្រាប់បែក​អត្ដ​ឃាត​បានសម្លាប់​បុរស​៤៣​នាក់ ក្មេង​២០​នាក់ និង​ស្ដ្រី​៩​នាក់​។​

​ប៉ូលិស​បាន​បញ្ជាក់ថា កាលពី​ថ្ងៃ​ទី​១៦​កុម្ភៈ​មាន​ជន​បំផ្ទុះ​គ្រាប់បែក​អត្ដ​ឃាត​បាន​ចូល​ទៅក្នុង​ទី​សក្ការៈបូជា ដែល​មាន​មនុស្ស​ប្រមាណ​ពី​៥០០​ទៅ​៨០០​នាក់​កំពុង​បួងសួង​។​ក្រោយមក​ជន​នោះ​ក៏​បំផ្ទុះ​សម្លាប់​ខ្លួនឯង​តែ​ម្ដង​។​ក្រោយ​កើតហេតុ​ក្រុម​រដ្ឋ​អ៊ីស្លាម​បាន​ប្រកាស​ទទួលខុសត្រូវ​ការ​បំផ្ទុះ​គ្រាប់បែក​នេះ ដោយ​មាន​សមាជិក​របស់​គេ​ជា​អ្នក​ធ្វើ​សកម្មភាព​៕

ព័ត៌មានផ្សេងទៀត

 
x